Kryeministri Edi Rama, gjatë festës që po mbahet në Pallatin e Brigadave nga ana e qeverisë e konsideroi marrjen e statusit për në BE si një arritje që për shqiptarët pritej prej vitesh. – “Ky nuk është një vend mysliman, por një vend evropian. Jo vetëm Shqipëria. Por shqiptarët, kanë qenë dhe mbeten besimtarët e Evropës në Ballkan jemi të tërë si shqiptar aleat të palëkundur, ku Shqipëria nuk ka pushuar së qeni një faktor paqe e stabiliteti. Ky është viti i parë pa asnjë konflikt në Ballkan.”-tha kryeministri Edi Rama gjatë fjalës së tij. – “Shqiptarët kanë rrezatuar gjithmonë forcën e arrest evropian. Mjafton të shohësh sot, shqiptarët mbeten garant të paqes në rajon, edhe pse marrëveshja e Ohrit dhe marrëveshjet e tjera nuk respektohen nga të tjerët, ashtu si shqiptarët.
Kjo ka marrë përmasat e një legjende urbane, nën emrin tonë. Kjo është problem si në çdo vend që drejtësia është larg të bërit drejtësi. A thua se kjo tokë është vendlindja e krimit global?! Ky duhet të jetë prioritet i qeverisë, por i mbarë popullsisë. Shqipëria dhe shqiptarët meritojnë shumë më tepër respekt. Nuk po përpiqem që ti ngrenë shqiptarët në piedestal, por po mundohem të them se sa asketen ka.”-shtoi Rama.
Më tej i shtoi se Shqipëria duhet të intensifikoj marrëdhëniet me vendet e rajonit. – “Jam për Evropën e bashkuar. Shqipëria dhe shqiptarët, duhet të jenë kudo. Përpos akuzave dhe kritikave, ky popull duhet të respektohet më shumë deri më sot, për atë që i ka dhënë Evropës për këto kohë për rreth 20 vite. Paqja e shumëkërkuar nuk duhet të tretet në mes të injorancës. Askush në BE nuk mund ti kërkohet të mbyllin sytë përballë plotësimit të kërkesave. Ndaj të harrojmë se në këtë proces do na fal ndonjë gjë, ndaj askush s’do na tërheq. Kjo s’mund të ndryshojë dhe nuk është as në interesin tonë të na ndihmojë.
Se do ishte sikur të na jepte ndonjë diplomë, që s’do kishte vlerë. Duhet të intensifikojmë marrëdhëniet me rajonin, pjesë e axhendave tona.” Shqipëria ka ende shumë sfida për të realizuar, dhe se kjo nuk do të jetë një rrugë e lehtë, shtoi më tej kreu i qeverisë. – “Ne besojmë se krijimi i një vetëdije të plotë të Bashkimit Europian, si detyra të shtëpisë, janë vetëm njëra anë e medaljes. Kjo përbën një domosdoshmëri, jo vetëm për fatin, por krijimi i kësaj vetëdije. Këtu më lejoni të qëndrojë tek ana jonë e medaljes, ne kemi humbur shumë kohë. Kemi mbajtur shumë rraqe të vjetra, dhe kështu kemi lënë shumë boshllëk mes rajonin dhe vetës.
Dua të ndaj me ju një eksperiencë personale. Gjatë kësaj mësuam shumë. Unë mësove ndër të tjera, se me ide të reja, kurajo, këmbëngulje, që deri dje më është dukur e pamundur. Ne mund ta bëjmë Shqipërinë një vend që na e ka falur zoti, një vend që Europa mund të bjerë në ‘sevda’. Ndaj, shumë faleminderit që të gjithëve,”- përfundoi fjalën e tij kryeministri Edi Rama.
Zv/Ambasadori i BE-se, Clive Rumbold: Konsolidoni reformat
Zëvendës ambasadori i BE-së ishte i pranishëm në festën e qeverisë, pas marrjes së statusit dhe tha se kjo ishte arritje e madhe për vendin tonë. – “Dhënia e statusit kandidat për Shqipërinë është një arritje e madhe, ndaj do doja të falënderoja të gjithë, që nga qeveria e tek qytetarët. Njohja si një vend potencial është një hap i rëndësishëm. Janë 5 kritere që Shqipëria duhet të plotësojë. Këshilli dhe shtetet anëtare e kanë theksuar këtë dhjetorin e kaluar dhe javën e kaluar,”- deklaroi gjatë fjalës së tij zëvendës-ambasadori i Bashkimit Europian, Clive Rumbold. Më tej ai shtoi : – “Të qënurit një hap më pranë BE-së, është shumë i jashtëzakonshëm. Shqipëria duhet të konsolidojë qasjen e sistemit me reformave. Shqipëria është mirëpritur për përpjekjet që ka bërë në luftë3n kundër drogës. BE vlerëson standardet, te cilat nuk janë të lehta të arrihen. Unë besoj se dhënia e statusit kandidat do i jap mundësi më të mëdha Shqipërisë. Me përpjekjet e përbashkëta, me angazhimin e përbashkët, Shqipëria do di ta përballojë sfidën.”
Ilir Meta: Për Shqipërinë dielli lind nga perëndimi
Për shqiptarët dielli lind nga perëndimi. Kreu i LSI dhe i Kuvendit, Ilir Meta, e konsideroi në këtë mënyrë marrjen e statusit kandidat për BE-në. – “Do të jetë e vështirë, por jo e pamundur që të bëhemi pjesë e BE, ndaj do apeloja për një bashkëpunim për të fituar kohën, për të ecur më shpejt, drejt realizmit drejt një sfide madhore, për tu anëtarësuar në BE. Dje ishte një hap dhe mesazh i mirë i opozitës,e cila mori pjesë në një takim për Reformën Territoriale. Kjo do e çonte Shqipërinë, drejt një vendi evropian”-tha Meta gjatë fjalës së tij.”
Bushati dhe Gjosha
Ministri i jashtëm Ditmir Bushati mbajti një fjalë përshëndetëse gjatë festës dhe tha se përgjegjësia tani mbetet në përmbushje të detyrave që ka vendosur Europa, ndërsa Ministria e Integrimit, Klajda Gjosha u shpreh se Europan duhet të sjellin edhe në Shqipëri, pas marrjes së statusit.
