Deputeti Tom Doshi nuk do të jetë më pjesë e grupit parlamentar të Partisë Socialiste. Kryetari i PS, Edi Rama tha në mbledhje se është e pamundur bashkëjetesa me Tom Doshin duke i hapur rrugën kështu vendimit për përjashtimin e tij. Pa pritur vendimin formal, Doshi ka dalë para mediave ku ka lëshuar një deklaratë bombë, atë se Ilir Meta ka paguar dhe urdhëruar vrasjen e tij dhe deputetit të PD, Mëhill Fufi. Meta është tutori i Edi Ramës, ka thënë Doshi që ka shtuar se për këtë akuzë ndaj Ilir Metës, ka fakte dhe ka informuar deri Senatin Amerikan.
