Babai i tij, Arbeni i kishte thënë Pranverës se ai do e merrte Erionin për një ekskursion në malet e Kosovës. Në vend të kësaj, ai e kaloi Erionin në kufirin për në Shqipëri dhe më pas fluturuan nga Tirana në Turqi, përpara se të udhëtonin drejt Sirisë.
Një djalosh 8 vjeç nga Kosova është ribashkuar me mamanë e tij, pasi babai xhihadist e mbajti për pesë muaj në Serbi. Kryeministri i Kosovës, Hashim Thaçi tha se agjencia e inteligjencës e vendit të tij e gjeti dhe e shpëtoi Erion Abazin me ndihmën e inteligjencës turke.
“Ishte një operacion i komplikuar dhe i rrezikshëm, që erdhi pas një analize të kujdesshme”, – tha Thaçi në një deklaratë.
Rreth 200 kosovarë besohet se luftojnë për grupimet islamike në Irak dhe Siri.
Nëna e djaloshit, Pranvera Zena, kishte bërë një apel publik për rikthimin e djalit të saj kur ai u mor përkundër vullnetit të saj në qershor të vitit 2014.
Ajo hapi edhe një faqe në Facebook dhe bëri disa dalje publike në Kosovë dhe Shqipëri.
Thaçi nuk dha detaje për operacionin e shpëtimit, që është autorizuar prej tij dhe presidentes së vendit, Atifete Jahjaga.
Ndërkohë që Erioni ishte në Siri, fotot në rrjetet sociale e tregonin atë duke mbajtur një gisht lart, një simbol i Shtetit Islamik dhe duke bërë akrobaci me të tjerë fëmijë pranë flamurit të zi të militantëve. Babai i tij, Arbeni, i kishte thënë Pranverës se ai do e merrte Erionin për një ekskursion në malet e Kosovës. Në vend të kësaj, ai e kaloi Erionin në kufirin për në Shqipëri dhe më pas fluturuan nga Tirana në Turqi, përpara se të udhëtonin drejt Sirisë.
Një kushëri i Pranverës i tha BBC-së javën e shkuar se familja kishte kontakte sporadike me djaloshin që prej atëherë. Në një telefonatë, ai tha se babai i tij ishte në një kamp stërvitor diku larg.
Pas ribashkimit në aeroportin e Prishtinës, Pranvera Zena i tha “Associated Press” se ishte si një ëndërr dhe se “duket sikur do zgjohem dhe kam frikë se ai nuk do jetë aty”.
Ajo e përqafoi atë e ndërkohë që vogëlushi ishte në prehrin e saj, ai i tregoi lodrat e tij, ushtarët dhe një tank-lodër. Shumica në Kosovë janë myslimanë. Vetëm një minorancë e vogël mendohet se ka përqafuar ideologjinë xhihadiste. Territori, që deklaroi pavarësinë nga Kosova në vitin 2008, ka një popullsi prej rreth 1.8 milionë.
Lufta civile në Siri ka tërhequr qindra xhihadistë nga vendet europiane, përfshi Britaninë e Madhe, Francën dhe Belgjikën.
“Babai në Irak”
Një kushëri i Erionit, Suad Sadullahi i tha BBC-së të enjten se Erioni është sërish pak konfuz dhe nuk flet shumë.
“Mendoj se e kanë trajtuar ok, si fëmijët e tjerë”. I pyetur për operacionin sekret të shpëtimit, ai nuk dha detaje.
Ai tha se Pranvera ka marrë një mesazh nga Arbeni në fillim të korrikut, ku thuhej se ishte me djalin në Siri.
“Kërkuam kudo, kontaktuam çdo person që mund të na jepte ndonjë udhëzim, – tha Suad Sadullahi. – Më 15 shtator arritën që ta shohin Erionin në një telefonatë në Skype. Ishte një lehtësim i madh. Ai ishte me disa nga familjet e militantëve atje. Babai i tij është në Irak duke luftuar për Shtetin Islamik. Ai nuk e di që Erioni është këtu”, – tha ai për BBC-në.
I pyetur se çfarë mund ta ketë motivuar Arbenin, ai tha: “Mendoj se ideologjia në radhë të parë, ai mendonte se Erioni do ishte më mirë atje”.Po kështu ai tha se ata duan që Erioni të kalojë tani sa më shumë kohë të jetë e mundur me mamanë e tij.
