Gjatë ditës së martë në parlamentin e Greqisë është zhvilluar edhe raundi i dytë i zgjedhjes për president të vendit, kurse në rast të edhe një dështimi, Greqia do të shkojë në zgjedhje të jashtëzakonshme.
Gjatë seancës së sotme, në favor të zgjedhjes së Stavros Dimas votuan 168 deputetë, ndërsa 131 prej tyre abstenuan. Për zgjedhjen e presidentit nevojiteshin 200 vota nga parlamenti me 300 deputetë.
Tashmë zgjedhja e deputetit do të vendoset në raundin e tretë, i cili do të zhvillohet më 29 dhjetor, kur do të nevojiten 180 vota.
Kryeministri i vendit, Antonis Samaras bëri thirrje për konsensus, me qëllim të shmangies së zgjedhjeve të parakohshme parlamentare, të cilat pritet të zhvillohen nëse dështon edhe raundi i tretë.
