Emanuel Bajra
Jo më larg se tre muaj më herët nuk do të kishit lexuar nga autori i këtyre rreshtave të ketë predikuar ndonjë sens optimizmi mbi ekonominë Britanike, e sidomos menjëherë pas datës 23 qershor që mbetet të shënohet si një ndër momentet vendimtare për të ardhmen ekonommike e politike të këtij vendi.
Por gradualisht, edhe unë si shumë nga njerëz tjerë që mbeten të varur nën fatin e tregjeve dhe përformancës ekonomike të Britanisë, mbetemi të jemi optimist pasi që nga raportet e fundit si nga zyra e statistikave të punësimit po ashtu edhe indeksi I konsumit tregojnë qartë se vendi po I përballon mirë dhe fuqishëm pasojat e BREXIT.
Papunësia ka pësuar ulje edhe në tre muaj pas referendumit duke arritur kështu shifrat e 4% dhe në ulje e sipër. Aktiviteti I bizneseve të vogla dhe atyre të mesme ka pas rritje si rezultat I shtyrjes së fuqishme të konsumit, ngadalësimi I aktivitetit të pushuesve Britanik jashtë vendit si pasojë e rënies së sterlinës si dhe orientimit të konsumatorit në produktet vendore.
Nuk mungojë as aktiviteti I City-it si kryeqendër botërore e financës dhe sigurimeve. Nga 120 trilion dollarë të shitje-blerjeve në bonot e thesarit më shumë se gjysma e tyre u shkëmbyen në bankat britanike dhe bursën londineze. Britania mban akoma peshën si vendi ku borxhet e vendeve si Kina, India dhe SHBA-ve tregtohen në një kuantitet të madh. Eurozona akoma bën shit-blerjen e shumë produkteve të shkëmbimeve valutore, emetimit të derivateve bankare si dhe polisave të sigurimit nëpërmjet bankave dhe institucioneve tjera financiare britanike.
Aprovimet e kreditimeve të hipotekave, bizneseve të vogla dhe të mëdhatë, ndërmarrësitë e vogla kanë qenë më të lartat që nga kriza financiare e vitit 2008. Niveli I interesimit të konsumatorëve britanik për të blerë shtëpitë e tyre është rritur në masë menjëherë pas Brexit së bashku me konfidencën që ata I venë edhe shpresës se cmimorja e hipotekave dhe vlera e shtëpive të tyre vetëm se do të rritet. Një nivel I theksuar rritjeje është arritur edhe në polisat pensionale – pra blerjet e skemave të ndryshme pensionale.
Pra përgjithësisht barometri i konfidencës në ekonominë britanike veç sa është rritur që prej 23 qershorit dh gjasat janë që një periudhë e re e ri-posedimit të iniciativës industriale të ketë filluar. Për shembull flitet te bëhen përgatitje komerciale nga të gjitha insitucionet financiare që vendi të jetë në gjendje të ‘shkundë’ sistemin e rregullatorit nga mbingarkesat rregullative që vijnë nga BE , pra përgatitjet janë në atë nivel që cmimorja e shumë produkteve financiare të merr përsipër jo vlerën e sotme të tregut të ankthit por një nivel më të madh – atë të post-Brexit.
Pra duke filluar që nga niveli I interesit në kamatë e deri të potencialet e rritjes së inflacionit do të kenë si simbiozë veprimi pritshmërinë e një rritjeje të balancuar të një tregu të lirë.
Bankat janë të urdhëruara që të vazhdojnë kreditimin në masat e parashikuara (-) (+) të librit të bilanceve të tyre, pra pa marr parasysh që rregullatori evropian parashikon një ngurtësim të kreditimit, institucionet britanike do të kalojnë çmimin e dhënë dhe do të krijojnë hapësirë konsoliduese për shumë biznese.
Kjo e fundit I lejon ekonomisë britanike një absorbim më të madh të aseteve financiare pasi që si valutë operuese Stërlinga është fleksibile e fuqishme dhe posedon kredibilitet në tregjet ndërkombëtare.
Politikat qeveritare do të krijojnë mundësi për mbështetje në biznese të reja të krijuara rreth inovacionit, dizajnit dhe krijimtarisë e dijeve. Pra pritet që avantazhet që Britania posedon brenda unionit evropian do t’I shndërrojë në brande të ripërtërira por me qasje globale.
Prodhimtaria e brendshme do të jetë e orientuar në eksportet me jashtë BE-se, vendet e Commonwealth-it, zakonisht ato të pasura sic janë Australia, Zelanda e Re, Kanadaja , Hong-Kongu, Singapori etj. Pra gradualisht fokusi I britanisë ndërmarrëse do të jetë orientuar në tregjet e mundësive me një fushatë agresive diplomatike dhe tregtare që për shumë skeptik nuk do të jetë e tipit Zvicerran, Norvegjez apo tjetër variant por ai I një vendi që ishte pioner I revolucionit të parë global industrial, ashtu si I ka hije !
