Përfaqësuesi i Lartë i Bashkimit Evropian për Punët e Jashtme, Josep Borrell. ka pohuar se para disa muajsh ka qarkulluar një propozim për shkëmbim territoresh ndërmjet Kosovës dhe Serbisë. Por, ai ka thënë se shkëmbimi i territoreve tani nuk është opsion,
“Disa muaj më parë kishte një propozim për të shkëmbyer territore. Por kjo nuk është më një mundësi”, ka thënë Borrell, në një intervistë për mediat serbe “Nezavisne” dhe “Politika.ba”.
Borrell ka thënë se ka vende të Bashkimit Evropian që e kundërshtojnë idenë për shkëmbimin e territoreve dhe ka theksuar se Prishtina dhe Beogradi duhet ta gjejnë vetë një zgjidhje për kontekstin midis tyre.
Borrell ka thënë se pret që administrata e Joe Bidenit të krijojë partneritet të fortë me Bashkimin Evropian për të gjitha çështjet, përfshirë edhe dialogun mes Kosovës e Serbisë.
“Arsyeja është se BE-ja dhe SHBA-ja nuk garojnë në Ballkan, veçanërisht kur bëhet fjalë për dialogun midis Prishtinës dhe Beogradit“ka thënë Borrell.
Ai e ka quajtur diasgon si “të vështirë“ dhe të “ngarkuar me histori“.
“Unë e udhëhoqa njërin nga takimet e dialogut midis Prishtinës dhe Beogradit. Emocionet janë të forta dhe mendoj se kjo është e kuptueshme, sepse dialogu është kërkues dhe i vështirë, i ngarkuar nga historia”, ka thënë Borrell.
Ai ka thënë se rajoni i Ballkanit Perëndimor është shumë i ndarë dhe me shumë kufij, kështu që në këtë rajon ka shumë vështirësi për lëvizjen e njerëzve dhe tsë mallrave, prandaj ka rekomanduar të realizohet ideja mër “Shengenin“ rajonal.
“Nëse doni investime serioze dhe NËSE keni nevojë për to, vështirë se do t’i merrni ato duke qenë kaq të fragmentuar. Ne jemi një treg prej 40 milionë njerëzish, kurse ju jeni gjashtë vende me disa miliona banorë secili. Ju keni vendosur kufij dhe vazhdoni të jeni të ndarë. Kështu do të jetë shumë e vështirë të tërhiqni dikë për investime në renonin me kufij dhe me sisteme të tilla”, ka thënë Borrell.
