Bilall Sherifi nga Nisma për Kosovën ka reaguar pas deklaratave të drejtuesve të PDK-së, të cilët kanë thënë se nuk do të punojnë në bazë të “agjendës së kryesisë së vjetër”.
Sherifi ka deklaruar se anashkalimi i agjendës së përcaktuar nga kryesia do të përbënte” kapje të séances” dhe ka theksuar se koalicioni paszgjedhor nuk do ta pranojë një gjë të tillë.
Përveç Sherifit, në lidhje me deklaratat e PDK-së kanë reaguar edhe zyrtarë të AAK-së, të cilët kanë thënë se në qoftë se i jepet PDK-së e drejta për nominimin e kryeparlamentarit, atëherë ky subjekt politik do t’i drejtohet Gjykatës Kushtetuese.
