sh-kryeministri, Sali Berisha ka përkujtuar deputetin Sokol Olldashi. Berisha në një postim në rrjetin social Facebook nënvizon se Olldashi ishte një nga drejtuesit më të talentuar. “Në kujtim të Sokol Olldashit! Të dashur miq, si sot një vit më parë u nda nga jeta në një aksident tragjik njeri nga drejtuesit më të talentuar, bashkëpunëtorët e mi më të afërt, Sokol Olldashi. Duke u përkulur me nderim të madh para kujtimit dhe veprës së pavdekshme të Sokol Olldashit për PD dhe vendin në tërësi, shpreh dhe njëherë ngushëllimet e mia më të sinqerta familjes dhe të afërmve të Sokolit dhe mbarë demokratëve shqiptar. Vepra dhe kujtimi i tij do të nderohen gjithmonë!”, shkruan Berisha.
