Paraditen e sotme Kreu i Partisë Demokratike Lulzim Basha ka dhënë një deklaratë për mediat në selinë e blu. Deklarata ka ardhur pas takimit që Basha ka pasur me Metën në Hotel Rogner, por takimi me medat ishte më parë i komunikuar. I përgatitur për të transmetuar përpara mediave një deklaratë e cila në përmbajtjen e saj, sipas Bashës do të kishte emra që nuk mund të plotësonin kriterin e listave, ai vendosi që të flas vetëm për mënyrën sesi patën shkuar negociatat e nisura një ditë më parë pas takimit trilateral.
Basha në version e tij tha se deri në mesin e natës negociatat kanë shkuar shumë pranë marrëveshjes, por diku nga ora 3 e natës, sipas Bashës, maxhoranca del me një pretendim absurd ku vendos dy pengesa në negociata që lidhen drejtëpërdrejt me nenin 123 të kushtetutës.
Sipas Bashës dy pengesat që ka vendosur maxhoranca lidhen me kriterin për emërimin e figurave dhe tjetra me normat e përputhjes që lidhen me vendimmarrjet paralele të Gjykatës së Strasburgut.
“Vullneti për të zgjedhur një zgjidhje të përbashkët është në këto negociata. Kemi kërkuar përfshirje dhe jo përjashtim. Kemi kërkuar bashkim dhe jo përçarje. Rama nuk iu mbajt asaj që ramë dakord në takim. Maxhoranca propozoi nenin 123 të Kushtetutës për misionin ndërkombëtar të monitorimit. Kandidatët duhet të jenë në përputhje integritetin dhe disfigurën. Vendosim kriteret për juristët, që do të marrin pjesë në proçes. Mos plotësimi i këtyre kriterev e çon kandiduesin në mos kandidim. I shprehim edhe njëherë maxhorancës që nëse pranon të vazhdojë negociatat votat e opozitës do të jenë pro reformës në parlament”– u shpreh Basha në deklaratën përpara mediave.
