Një shtetas shqiptar ka tentuar të mashtrojë policinë italiane, duke u treguar një patentë sllovake dhe me një emër fals.
Por në të vërtetë, bëhet fjalë për bosin e bandës së shpërndarësve të drogës, armëve dhe shfrytëzuesve të prostitutave. Ai ishte ndaluar më herët dhe dëbuar nga Italia.
Mediet italiane bëjnë të ditur se ai është shtetasi Xhevdet Lamaj, 31 vjeç, me origjinë shqiptare.
Ndërkohë, policia italiane ka njoftuar se Lamaj ishte në makinë me një bashkëkombës të tij, një 47-vjecar rezident në Mogliano, kur u ndalua në Terraglio.
Pas kontrolleve të dokumenteve që rezultuan false doli në dritë edhe e vërteta. “Hetuesi i çështjes e ka akuzuar shqiptarin si kreu i bandës së armatosur që merrej me trafik droge dhe shfrytëzim prostitutash”, shkruajnë mediet italiane.
Banda e tij përbëhej nga 11 meshkuj. Ai u dënua për trafik droge me 4 vjet dhe për shfrytëzim prostitucioni më herët, ndërkohë që në 2014 ishte dëbuar nga Italia.
