Lajme teNjejta
Në Korçë, qytetin e kampionëve të Shqipërisë, u përhap një lajm. “Vjen nga Londra por është shqiptar”. Skuadra kampione e Shqipërisë do të kishte një zëvendës trajner “londinez”. U konfirmua edhe nga trajneri, quhet Arben Asllani . Ky ishte një stacion i udhëtimit të suksesshëm të tij që fillon vite më përpara.
Udhëtimi i tij drejt Londrës nisi në një moshë fare të re, ku futbolli ishte rruga e cila shërbeu për integrimin e tij në shoqërinë Britanike. Fillimisht ai nisi të luante vetëm për kënaqësi dhe hobi, duke qenë mënyra për të ndërvepruar me të tjerë, si dhe për të mësuar anglisht. Pavarësisht faktit që futbolli nisi si një urë ndërmjetësimi për tu integruar dhe për të krijuar shoqëri ,ai shërbeu për më tej duke hapur dyer drejt suksesit. Nga ato ndeshjet miqësore mes miqve ai filloi të luante për një skuadër ligë lokale, ku Arbeni shprehet se futbolli ishte bërë pjesë e jetës së tij personale dhe profesionale tashmë. Ai shton se kjo rrugë nuk ishte kaq e thjesht apo një lundrim vetëm ne ujëra të qeta ka pasur momente shumë të vështira, të cilat shumë herë e kanë bërë atë të mendojë, se mbase… nuk do të kishte sukses në futboll.
Ai rikujton edhe fjalët e mësuesit të tij, i cili u largua nga shkolla për tu zhvendosur në një shkollë tjetër i cili i pati thënë se…” asnjëherë në jetën e tij nuk kishte parë një njeri të përmirësohej kaq shpejt, e të mësonte teknikat e lojës në një kohë rekord “fjalë të cilat edhe sot i ka në mëndje. Që nga ajo kohë Arbeni u zgjodh të luante për skuadrën “Hackney District” dhe më pas për skuadrën “London”.
Duke luajtur në këto skuadra të rinjsh ai fitoi kofidencë dhe gjatë kohës shkoi për një konkurs për tu pranuar në skuadra gjysmë profesionale ,ku nga gjashtëdhjetë konkurentë u përzgjodhën vetëm dy ,ku padiskutim ai ishte njëri prej tyre. Pranimi në këtë skuadër i dha zemër Arbenit dhe besim te vetja se çdo gjë mund të arrihet në futboll nëse punon shumë. Gjatë kohës në skuadër ai ishte spikatur si një lojtar shumë i talentuar, padyshim kjo si rezultat i punës së palodhur dhe dëshirës së tij për të mësuar. Në mësime po ashtu ai ishte një nxënës shumë i mirë me rezultate mbresëlënëse duke menduar që vinte nga një familje shqiptare të Kosovës, ku prindërit kërkojnë maksimumin për fëmijët e tyre , ata dëshironin që Arbeni të studionte për Ekonomik por fatkeqësisht ai nuk kishte përzgjedhur ato lëndë në shkollë dhe nuk mund të aplikonte për ekonomik.
Kjo ishte një goditje për familjen e tij, ku ndjenja e fajit që nuk mund të përmbushte dot ëndrrën e tyre që ishte shume e madhe ,kur i shpjegoi familjes së tij ata nuk pranuan aq lehtë, që ai të hiqte dorë nga studimet dhe e sugjeruan për opsione të tjera për te aplikuar në kolegj. Kështu që ai shkoi për të aplikuar në kolegj dhe menjëherë padashur i kapi syri këndin e Sportit dhe ndaloi menjëherë për tu interesuar ,ku personi në detyrë e pyeti se çfarë donte të bëhej në jetë dhe përgjigja e tij e menjëhershme, ishte se dashuronte futbollin por njëkohësisht i shpjegoi situatën e tij dhe këshillat e marra në familje.
Ku këshilluesi në kolegj i sugjeroj të mendonte rreth mundësive për tu bërë trajner ,mentor apo mësues. As vetë Arbeni nuk e di sesi mori një vendim aq të shpejt, të regjistrohej për të ndjekur studimet në sport në kolegj. Çdo pjesëtar i familjes nuk u kënaq nga ideja pasi ata mendonin se vetëm nëse ishte realisht shumë i talentuar mund të fitonte të ardhura për të jetuar, në të kundërtën është vërtet shumë e vështirë. Por kjo ishte ajo çfarë atij i pëlqente .
Kështu që ai filloi të studionte edhe të luante futboll në të njëjtën kohë , ndërkohë që klasat ishin të ndryshme edhe e përgatisnin, atë nga ana shkencore ndërsa e luajtura e futbollit e përgatiste me inteligjencë praktike. Pasi përfundoi vitin e parë të kolegjit me rezultate të shkëlqyera dhe performancë shume të mirë në futboll, ai u sugjerua të fokusohej për të vazhduar karrierën si një futbollist profesionist dhe të merrte një vit pushim nga shkolla.
Arbenin nuk e ndoqi në çdo moment fati I mirë , ai u pranua në universitet ndërkohë që vendosi ti dedikohej futbollit tërësisht .Gjatë kësaj kohe ai pësoi dy aksidente të njëpasnjëshme, të cilat e mbajtën atë larg futbollit .Kështu që ai vendosi ti rikthehej studimeve e të fokusohej në to dhe futbolli të ishte thjesht një hobi, për të kaluar kohën e lirë. Ndërkohë që tregonte këto momente kaq të vështira, ku iu desh të heqë dorë nga futbolli, ai sërish nuk u dorëzua; përfundoi studimet shkëlqyer dhe teza e diplomës së tij u publikua sikurse ai mori nivelin e dytë dhe licencën e futbollit UEFA ,B . Si një student i shkëlqyer ai u përzgjodh të shkonte ne Itali për javën ndërkombëtare të futbollit me një grup studentësh të talentuar ,konkursi përfshinte student të ardhur nga shumë shtete si dhe trajner e futbollist të njohur me emër të cilët mbajtën leksione rreth shkencës së futbollit .Në të njëjtën mënyrë edhe të rinjtë e ftuar duhej të prezantonin punën e tyre ku Arbeni u përzgjodh dhe fitoi çmimin “Young investigator” .
Kjo ishte një kthesë e rëndësishme në karrierën eArben Asllanit, ai iu rikthye studimeve për master në sport ku aktualisht është në proces të shkruari të librit të tij rreth sportit, sesi ai duhet promovuar së bashku me partnerin e tij Z.Roy Pack do të publikojnë një skemë futbolli së afërmi. Z.RoyPpack ka qenë lojtar i Arsenal e skuadrave të tjera të famshme, por për shkak të aksidentit të pësuar nuk mund të luajë më, kjo ishte arsyeja që i bashkoi në këtë projekt, për të vënë theksin të edukimi dhe mënyrat e duhura për të përqasur futbollin.
Pyetjes se cilat kanë qenë stacionet e deri më tani, ai shprehet se ndihet i plotësuar dhe kofident i përgatitur mjaftueshëm nga ana akademike po ashtu edhe praktike dhe tani ai është në rrugën e duhur, për të bërë vepra të mëdha .Në këto momente Arbeni është asistent menaxher në skuadrën më të mirë shqiptare “KF Skëndërbeu “ dhe rruga e tij tashmë ka nisur. Si çelës suksesi ai thekson përkushtimin, devotshmërinë. Arbeni beson se çdo gjë është e mundur dhe që nuk është vetëm talenti, por edhe puna dhe teknikat shkencore ato që të bëjnë një futbollist të suksesshëm. Ai nuk harron të përmendë që familja, i jep mbështetje maksimale, duke i besuar dhe e shtytur atë drejt majave dhe sukseseve të njëpasnjëshme. Arbeni thotë se është shumë krenar që është shqiptar i Kosovës dhe Atdheu është vendi nga i cili është dhe kush është ai .Qëllimi i tij është të bëhet menaxher i suksesshëm futbolli dhe të ndriçojë emrin dhe imazhin e shqiptarëve kudo që ndodhen nëpër botë. Ai beson se ne kemi një inteligjencë të jashtëzakonshme e cila meriton të krahasohet vetëm me më të mirët . Mbase duket pak e habitshme por Z.Asllani wshtw i vendosur të vazhdojë studimet për doktoraturë , të përfundojë licencën në Nivelin A të UEFA. Ai dëshiron të ndërtojë një Akademi sporti së bashku më partnerin e tij Z.Roy Pack. Në planet e tij përfshihet edhe ideja e ndërtimit të akademisë së sportit në Kosovë edhe Shqipëri, ku të dy shtetet të kenë një akademi dhe të rriten profesionalisht duke shkëmbyer eksperienca me Britaninë .
Në përfundim të bashkëbisedimit me Z.Asllani ai jep një mesazh për shqiptarët që të jenë krenar për atë që janë ,të vendosur e të përgatitur psikologjikisht se çdo pengesë është vetëm një sprovë më afër suksesit jo një barrierë. Asnjë gjë e mirë nuk vjen thjesht shton ai. Duhet të pëlqeni punën që të dashuroni suksesin .
Ai shton në mesazhin e tij përkundrejt barshkumbësave; që të respektojnë cilindo njeri, pa u nisur nga asnjë lloj dallimi si dhe mos të vënë paranë prioritet në jetë, por vlerat e vërteta pasi çdo gjë shkon në vendin e duhur.
