Jolevski dhe Poposki morën pjesë në mbledhjen vjetore të Republikës së Maqedonisë me NATO-n në nivel ambasadorësh
Ministri maqedonas i Punëve të Jashtme, Nikolla Poposki dhe ai i Mbrojtjes, Zoran Jolevski, deklaruan në takim me ambasadorët e vendeve-aleate të Aleancës VeriAtlantike (NATO) se vendi i tyre është gati për anëtarësim në NATO dhe se pret ftesë në Samitin e ardhshëm që do të zhvillohet në shtator në Uellsin Jugor.
Ministrat maqedonas vuni theksin në faktin se Greqia, e cila që prej viti 2008 bllokon anëtarësimin e Republikës Maqedonase, nuk është e gatshme të lejojë anëtarësimin e këtij vendi në NATO.
Në vizitën e tij të parë zyrtare si ministër i ri i Mbrojtjes, Jolevski së bashku me shefin e diplomacisë Poposki morën pjesë në mbledhjen vjetore të Republikës së Maqedonisë me NATO-n në nivel ambasadorësh. Në mbledhje u prezantuan edhe rezultatet e arritura të vendit në realizimin e reformave të përgjithshme të parashikuara me Planin aksional për anëtarësim në NATO, me theks të veçantë në aritjet politike-ekonomike dhe ato të mbrojtes dhe sigurisë.
Ministri i Punëve të Jashtme deklaroi se ai dhe kolegu i tij në krye të Mbrojtjes kanë shprehur angazhimin e shtetit maqedonas që të bëhet vend-anëtar i NATO-s sa më shpejt të jetë e mundur. Ata konfirmuan gjithashtu angazhimet për dialog me Greqinë.
Vizita e dy ministrave në selinë e NATO-s në Bruksel, është shfrytëzuar edhe për takim me zëvendës-sekretarin e përgjithshëm të NATO-s, Aleksandar Vershbou, ndërsa ministri i Mbrojtjes, Jolevski realizoi një takim dypalësh me ndihmës-sekretaren e përgjithshme të Aleancës për diplomaci publike Kolinda Grabar-Kitaroviq.
Me këtë mbledhje, e cila për shkak të Samitit në NATO-s në shtator u mbajt tre muaj më herët, është mbyllur Cikli i pesëmbëdhjetë i implementimit të Planit aksional për anëtarësim të Republikës së Maqedonisë në NATO për vitin 2013-2014.
