Me sa duket PD do ti thotë përfundimisht “JO” propozimit të fundit të ndërkombëtarëve për kompromis, të cilën zv/sekretarja amerikane e shtetit Nuland, ia paraqiti Lulzim Bashës fundjavën e shkuar. Drafti i propozimeve të PD që Lapsi.al ka arritur të sigurojë (lexo shkrimin poshtë) e tragon qartë këtë.
Pasi ka nxjerrë sebepe për arkitekturën e sistemit, 2/3 apo 3/5, pasi ka qëmtuar Venecian dhe gjetur çdo lloj sebepi për ta shtyrë reformën, sot PD ka ngecur te e vetmja pikë që ka pasur merak që në fillim: A do ta kontrollojnë apo jo amerikanët procesin e vetingut? Pra nëse ata do të jenë protagoniste, apo thjeshtë spektatorë në seleksionimin e gjyqtarëve dhe prokurorëve të ardhshëm? PD këkron që “të deleguarit” e BE dhe ShBA të kenë rolin minor të vëzhguesit. Dhe këtu ajo është krejtësisht kundër versionit të mbrojtur nga Vlahutin dhe Lu i cili nxitoi kete te merkure te shprehe edhe njehere zhgenjimin e tij (shiko poshte Lapsi.al).
Por situata është më e rëndë se kaq. Nën drejtimin e ri të Bashës duket se PD po i hapet një frakturë e re me përëndimin e ngjashme me ato që Berisha ka shkaktuar në vitet ’96-97, apo në vitet 1998 – 2000?
Pas këtij konstatimi lind pyetja: Pse PD nuk e do këtë reformë dhe pse ajo është aq e vendosur në kundërshtimin e saj, deri në pikën sa mund të rrezikojë edhe marëdhëniet me ndërkombëtarët?
Sipas çdo skeme logjike opozita duhet të ishte e interesuar për të.
Ajo ka përballë një qeverisjeje kleptokratësh që duhet ta shpinte drejt kërkimit me këmbëngulje të aleancës me BE dhe ShBA për ti dhënë fund pandëshkueshmërisë.
Ajo e di se Rama dhe të tijët nuk kanë më asnjë pikë frike nga gjykatat dhe prokuroria aktuale, prandaj duhej të lëvizte çdo gur për tronditjen e sistemit.
Ajo e ka të qartë, se pas pak muajsh kjo shumicë mund të marrë me vota edhe presidentin e republikës, gjë që do e zhyste edhe më keq kapjen e gjykatave dhe prokurorisë, prandaj ajo duhet të nxitonte me miratimin e reformës.
Por, opozita, pavarësisht nga këto arsye është vënë kundër ndërkombëtarëve. Ajo po rrefuzon me këmbëngulje ti bëjë ata aleatë kundër vjedhjes dhe korrupsionit.
Dhe për këtë ka vetëm një shpjegim.
PD pranon më mirë një drejtësi të kapur nga Rama, sesa futjen në lojë të një faktori të tretë, që në këtë rast janë ShBA dhe BE. E këtu hyn në lojë rroli i Berishës që me sa duket kontrollon të gjitha fijet. Liderit i vjetër është i bindur se atij nuk i hyn gjëmb në këmbë (ashtu si kurse deri më tani) nga një system qoftë ky dhe në duart e Ramës. Ai kryeministrin aktual vazhdon ta kërcënojë me demokratët e Lacit dhe Mamurrasit.
Por nëse drejtësinë e marrin në duar ndërkombëtarët, si në Rumani, apo Kroaci, ai është i bindur se nuk ka njeri që ti vërë flakën sheshit Shuman në Bruksel, apo shtëpisë së bardhë në Uashington. Ndaj ai e ka vënë Bashën me shpatulla për muri, për të hyrë në konflikt me ndërkombëtarët. Duke treguar edhe njëherë, se paradoksalisht, mbrojtësi i tij më i mirë, është Edi Rama.
