Tre të rinj shqiptarë nga Dibra e Madhe kanë humbur jetën në një aksident të rëndë në Itali. Sipas gazetës italiane ‘Il Gazzetino”, tre të rinjtë shtetas të Maqedonisë kanë humbur jetën në aksidentin që ndodhi mbrëmjen e së martë rreth orës 21 në aksin rrugor Basano – Muselite, në lokalitetin e njohur Romano de Zelito.
Në këtë aksident siç bëhet e ditur kanë ndërruar jetë Amir Merçevski, 19 vjeç nga Qendra e Zhupës e Dibrës, Hamlet Etovmovski, 21 vjeç nga fshati Otishan dhe një i ri tjetër nga fshati Kosovrastë, identiteti i të cilit nuk është zbuluar.
Aksidenti ka ndodhur nga përplasja e dy makinave, në njërën prej të cilave ishin viktimat që humbën jetën. Të plagosur kanë mbetur një italian, por dyshohet edhe për një shtetas tjetër të Maqedonisë.
