Mediat italiane bëjnë me dije se viktima është një grua shqiptare A.B, e cila jetonte në Barço me tre fëmijët e saj, përkatësisht të moshës 16, 12 dhe 2 vjeçar.
Ajo vdiq në vend, pas përplasjes fatale, ndërsa djali i saj më i madh ndodhet në gjendje të rëndë në spitalin Sant’Anna di Cona.
Dy fëmijët e tjerë kanë marrë lëndime të lehta dhe pa pasoja për jetën, ndërsa janë traumatizuar nga ngjarja, për shkak se kanë parë nënën e tyre teksa ndërronte jetë.
Familja shqiptare udhëtonte me një veturë Alfa 156, e cila u përplas për shkak se gruaja humbi kontrollin teksa po tentonte të ndryshonte korsinë, duke u përplasur me një veturë tjetër të tipit Mercedes.
Menjëherë në vendin e ngjarjes shkoi edhe bashkëshorti i viktimës, cili e gjeti gruan e tij të vdekur në ambulancë teksa po transportohej për në morg.
