Ish-presidenti i BashkimitSovjetik Mikhail Gorbachev ka thënë se Europa mund të bëhet diçka e parëndësishme nëse nuk ruan dialogun me Rusinë dhe pjesën tjetër të Botës.
Mbështetjen e pavarësisë së Kosovës dhe anëtarësimin e Shqipërisë dhe vendeve të tjera të ish-bllokut komunist në NATO, ai i ka cilësuar gabime të Europës.
Duke folur në 25-vjetorinrënies së Murit të Berlinit ish lideri sovjetik ka përkujtuar ngjarjet e 25 vjetëve më parë para se të kritikonte siç e quajti ai, triumfalizimin e Perëndimit dhe paaftësinë e Kombeve të Bashkuara.
“Politika europiane dhe ajo ndërkombëtare ende nuk i kanë dalë përballë realiteteve të reja si globalizimit në botën e pasluftës së ftohtë. Dikush duhet ta pranoj se që nga krijimi i rendit tonë të ri në fillim të shekullit ne kurrë nuk jemi përballur me një ambient kaq të tensionuar dhe të rrezikshëm”, u shpreh ai, citon “Zëri”.
Gorbachev ka shfrytëzuar fjalimin e tij për të mbrojtur edhe presidentin rus Vladimir Putin, duke thënë se edhe pse lideri rus kritikon shumë Perëndimin ai prapë mbetet partneri më i vullnetshëm për t’i ulur tensionet.
Ai tha se vazhdimi i këtij kursi të tensionimit mes Gjermanisë dhe Rusisë do të thellojnë edhe më shumë problemet ndërsa ka përkujtuar se pa një partneritet ruso-gjerman nuk do të ketë siguri në Evropë.
