Gërmimet në varrin e madh të zbuluar në Anfipoli, të Greqisë, çuan në zbulimin e një mozaiku të rrallë, ku shfaqet Hermes, mesazheri i perëndive, i ndjekur nga një figurë mashkullore dhe një karrocë. Mozaiku i veçantë ka një përmasë prej 13 metrash katororë, ndërsa sipas arkeologëve daton në fundin e shkullit të IV para Krishtit. Ky mozaik mendohet se i përket periudhës aleksandriane. Dyshohet se i përket familjes ose një gjenerali të Aleksandrit të madh. Hipoteza se mund të bëhet fjalë për vetë varrin e Aleksandrit u përjashtua nga vetë studiuesit
