Për ish-kryeministrin Sali Berisha, kreu i Kuvendit, Ilir Meta ka frikë se nëse Mark Frroku do të ekstradohet në Bruksel, atëherë ai do të rrëfehet.
Këtë Berisha e shkruan në një shënim të tij në Facebook.
Sipas ish-kryeministrit, “Meta është i tmerruar dhe kërkon seancë të mbyllur, si në shpellat e mafies, të Komisionit të Mandateve për Frrokun!”.
Mesazhi i Berishës në Facebook:
“Te dashur miq, Ilir Meta i tmerruar njoftoi se neser do te kryesoje ai vet dhe jo Vangjel Dule mbledhjen e Komisionit te Mandateve per dhenien e lejes per arrestimin e deputetit Mark Frroku.
Meta, i akuzuar se porositi vrasjen e dy deputeteve Doshi dhe Mhilli, skenar te cilin per here te pare Doshit ja tha Frroku, ka frike se ndaj kerkeses se dyte per arrestim, Frroku mund te thote te verteten per fshehjen nga Meta prej 7 muajve te kerkeses se autoriteteve te Brukselit per ekstradimin e tij ne shkembim te deklarates se ai, Frroku, nuk njihte mikun e tij Durim Bami.
Jo vetem qe Meta do kryesoje vet mbledhjen ndonese ne konflikt flagrant interesi pasi te dy kerkesat per arrestim, si e para ashtu dhe kjo e dyta, jane te lidhura tek i njejti person, por ai nuk do te lejoje neser media ne salle pra do inskenoje seance tip shpelle, pikerisht nga frika e ndonje bombe qe Frroku munde te leshoje gjate pyetjeve ne seance.
Po keshtu, thuhet se Rama dhe Meta kane porositur Nasipin qe Frroku, deshmitar kyç ne akuzen me te rende te bere ndonjehere, per porosine e tij per vrasjen me pagese te deputeteve Doshi dhe Fufi, ne asnje menyre te mos ekstradohet ne Bruksel.
Kjo sepse atje, ai jashte kercenimeve te Metes dhe Rames mund te deshmoje te verteten per Meten, Doshin, Bamin, Tonin. Terror dhe tmerr ne pallatet e krimit te pushtetit te mazhorances se qelbesirave!! Revolucioni demokratik i qytetareve te ketij vendi eshte jetik per te shembur murin e krimit te pushtetareve dhe bandave te tyre!!”, shkruan ish-kryeministri Sali Berisha në Facebook.
