Ditën e sotme në Korporatën Elektroenergjitike Shqiptare është zhvilluar mbledhja e Sekretariatit Teknik dhe Komisionit të Posaçëm të Trajtimit të Plotave në Kaskadën e Drinit.
Mësohet se në këtë mbledhje është raportuar për situatën aktuale dhe u diskutua për regjim optimal të shfrytëzimit të HEC-eve të kaskadës së lumit Drin për javët e ardhshme. Ndërkohë sekretariati ka deklaruar se situata është nën kontroll dhe nuk ka probleme.
Gjithashtu Sekretariati ka kërkuar arritjen e prodhimit maksimal në të gjithë kaskadën nëpërmjet shfrytëzimi optimal të prurjeve. Kështu në orën 17:00 niveli në HEC-in në Fierzë është 290.24 m, prurjet 800 m3/s, në HEC-in në Koman niveli është 171.23 m ndërsa prurjet 230 m3/s, në HEC-in në Vaun e Dejës niveli ka arritur 74.38 m ndërsa prurjet 70 m3/s.
