Policia ka shoqëruar dje në komisariat katër inspektorë të INUV dhe një është ndaluar, pasi po ndalonin rindërtimin e një muri pa leje rreth një pallati në rrugën “Haxhi Kika”.
Pas shqetësimeve të ngritura nga disa qytetarë pranë Bashkisë së Tiranës dhe pranë Inspektoratit Ndërtimor Urbanistik, inspektorët e Bashkisë kanë ndërhyrë në bazë të ligjit, duke vënë në dijeni dhe Policinë, për të prishur këtë mur.
Dje, INUV është vënë në dijeni nga banorët se në mënyrë të paligjshme kishin rinisur ndërtimin e murit. Kur inspektorët po kryenin inspektimin e tyre, në mënyrë të çuditshme, pa asnjë argument janë shoqëruar në komisariat dhe njëri prej tyre është ndaluar. Nënkryetari i Bashkisë së Tiranës Enno Bozdo i ka kërkuar Policisë të ngrihet në nivelin e detyrës dhe të refuzojë urdhra të tillë politikë që janë në kundërshtim me ligjin.
“Kam këtu ankesat e bëra nga banorët, kam shkresën që i drejtohej edhe komisarit të Policisë për mbështetje, kam madje edhe shkresën e INUK që i kërkon INUV të ndërhyjë ekzaktësisht në vendin e djeshëm. Inspektorët kanë bërë detyrën e tyre dhe janë “arrestuar” për shpërdorimin e detyrës. Kam komunikuar me drejtuesit e komisariatit nr.4 dhe i kam kërkuar shpjegime se përse janë arrestuar inspektorët e INUV por është e kotë të kërkosh tashmë këtë gjë nga Policia”, tha ai.
Nënkryetari i Bashkisë u shpreh se policia po keqpërdoret për luftë politike të qeverisë.
“Policia po keqpërdoret dhe është bërë një instrument i keqpërdorur në luftën politike të qeverisë Rama. Ky standard i dyfishtë të cilin ne e shohim tashmë të zbatohet çdo ditë po cenon absolutisht lirinë tonë të përditshme. Është standard i dyfishtë sepse në të njëjtën kohë kur INUK ndërhyn në Tiranë, në shumicën absolute të rasteve (të mos themi 100% të rasteve) pa zbatuar procedurën më të vogël ligjore, pa zbatuar kërkesën e ligjit dhe kur ka denoncime pa fund për prishje selektive, për ryshfet, askush nga inspektorët e INUK nuk kallëzohet. Nuk kallëzohet, nuk mbahet, nuk arrestohet, ashtu siç kërkojnë qytetarët e Tiranës”, tha ai.
Bashkia e Tiranës do të depozitojë kallëzim penal për shpërdorim detyre për komisariatin nr. 4, ndërkohë sot janë depozituar kallëzime për ndërtim pa leje për ministrin e Mirëqenies Sociale dhe për shpërdorim detyre për komisariatin numër 3 të policisë. Një ditë më parë, punonjësit e Policisë së komisariatit nr.3 me urdhër politik ndaluan Inspektoratin Ndërti
