Policia në Shqipëri ka njoftuar dy 17 vjeçarët kishin shkuar që në mëngjes në vendin e quajtur “Gropa e Danielit” që ndodhet pranë fshatit Qatrom për tu freskuar.
“Më datë 19.08.2016, jemi njoftuar nga një telefonatë, se në fshatin Qatrom, shtetasit R.T dhe B.T (kushërinj) të dy rreth moshës 17 vjeç, janë larguar nga banesat respektive, mëngjesin e ditës së sotme dhe familjarët e tyre nuk kanë informacion për ta, se ku mund të ndodhen”, njofton policia në Shqipëri.
“Nga të dhënat paraprake, u krijuan dyshime se këta shtetas, mund të jenë mbytur në vendin e quajtur “Gropa e Danielit”, në fshatin Qatrom”, thuhet tutje në njoftimin e Policisë.
Mësohet se pranë rezervuarit janë gjetur edhe rrobat e dy adoleshentëve, por ende nuk ka asnjë gjurmë të tyre.
