Sipas Listës Zgjedhore të përmbyllur të drejtë vote kanë 1.784.416 shtetas të Maqedonisë, prej të cilëve 1.531.368 në Maqedoni.
Në listë të posaçme zgjedhore janë shënuar 230.122 persona të cilët në pajtim me evidencën e organit kompetent llogariten se janë me punë të përkohshme jashtë vendit, ndërsa për votim në diasporë KSHZ-ja i ka pranuar paraqitjet e 20.573 votuesve.
Këto zgjedhje të parakohshme parlamentare janë si rezultat i Marrëveshjes së Përzhinos, marrëveshje midis katër liderëve politik për zgjidhjen e krizës politike në vend dhe janë data e tretë me radhë pas dy tentimeve të pasuksesshme.
