“ Sot mora postin e zëvendëskryeministrit dhe për këtë është ligjore që të jap dorëheqje nga pozita prej deputetit. Prioritetet kryesore do të jenë zhvillimi ekonomik, punësimi i qytetarëve që të gëzohen me një punë”, ka thënë Kelmendi.
Ai beson se të gjitha këto do të arrij t’i realizoj gjatë mandatit që i ka mbetur Qeverisë. Në një intervistë për Gazetën Fjala Kelmendi pati premtuar se me marrjen e kësaj detyre rritja ekonomike do të shkojë deri ne 10 për qind.
“Rritja ekonomike për 3 për qind nuk garanton se fëmijët tanë do të jetojnë më mirë se sa prindi i tyre apo si në shtete e Evropës. Unë garantoj se rritjen ekonomike do ta bëjë mbi 10 për qind”, pati thënë Kelmendi.
Ai ka kritikuar punën që po e bënë aktualisht Qeveria e Kosovës. Madje është goxha kritik në çështjen e zhvillimit ekonomik.
“Unë kam thënë se zhvillimi ekonomik me këto metoda të ecjes ‘caca-caca”, nuk mund të ec. Ai që donë të bëjë zhvillim ekonomik duhet të punojë më gjatë dhe më shpejt”, është shprehur Kelmendi.
Kelmendi: Bujqësinë do ta zhvillojë brenda katër muajve
Në një intervistë për Gazetën Fjala, ka thënë se i ka gati të gjitha projektet për zhvillimin ekonomik të shtetit. “Bujqësinë do ta zhvillojë brenda katër muajve. Nuk do të ketë nevojë që të importohet asnjë produkt në Republikën e Kosovës e që mund të kultivohet në Kosovë. Flas nëse mund të prodhohet”.
Më këtë ai garantonte që do të ket rritje të jashtëzakonshme të të hyrave për fermer. “Do ta zhvilloj industrinë e tekstilit. Kam ide për këtë që nuk i ka asnjë shtet në rajon. Më tekstil do të punësoheshin një numër i madh i grave kosovare. Do të arrijmë që industrinë ushqimore të prodhojmë prodhime për konsum më të mëdha se sa prodhimet që importohen në Kosovë. 90 për qind e kosovarëve do të konsumojnë prodhime vendore. Për ta mbërri këtë do ta zvogëloj informalitetin”, ka thënë Kelmendi.
