Në një konferencë për media lidhur me Demarkacionin, Ymeri tha se të tre liderët nuk qajnë kokën për interesat e qytetarëve, porse të tre kanë vendosur që ta fusin vendin në një krizë të thellë.
“Këta janë derrat në skenën tonë politike, me Isa Mustafën si kryederri. Këta derra po duan ta shndërrojnë Kosovën në Fermë të Kafshëve, mu sikur në librin e George Orwellit, organizim represiv kundër Republikës”, ka deklaruar Ymeri.
Ai ka shtuar se marrëveshja për demarkacionin me Malin e Zi, është sundim i dhunshëm dhe si i tillë ai ka theksuar se do ta luftojnë me organizimin e protestave.
Ai ka pohuar se ka kontaktuar edhe me partitë e tjera opozitare, por nuk kanë vullnet.
“I kam kontaktua partitë e tjera opozitare për këtë kundërshtim por s’kanë pa vullnet nga ana e tyre. Ne jemi të interesuar që bashkë ta kundërshtojmë por nuk ka gatishmëri”, është shprehur Ymeri.
