Tri partitë parlamentare që gjenden në opozitë, Lëvizja Vetëvendosje, AAK dhe Nisma për Kosovën, nuk kanë kanë reaguar lidhur me këtë sulm.
Ndërsa prej udhëheqësve të lartë, deri më tani nuk ka reaguar as presidenti Hashim Thaçi.
Sulmin mbi Kuvendin e Kosovës e kishin dënuar të gjitha subjektet politike, përfshirë edhe ato opozita, mirëpo, sulmin ndaj shtëpisë së Murat Mehës nuk e kanë dënuar.
Policia e Kosovës dhe njësitet deminuese, sot kanë deaktivizuar në mënyrë të kontrolluar një mjet shpërthyes që ishte vendosur në shtëpinë e kryetarit të komisionit shtetëror për përcaktimin e vijës kufitare, Murat Meha.
Për vendosjen e mjetit shpërthyes në shtëpinë e tij, ka reaguar ashpër Murat Meha. “Sulmi është bërë prej dorës së zgjatur të atyre që tentojnë të na rrezikojnë edhe jetën edhe familjen. Unë s’i kam borxh askujt”, ka thënë Meha.
