Ekspertë dhe zyrtarë të cilët kanë folur për gazetarin e AA-së kanë tërhequr vëmendjen se kërkesat për azil të emigrantëve të ardhur në ishuj pas nisjes së zbatimit të marrëveshjes marrin një kohë të gjatë për shkak të pamjaftueshmërisë në numrin e ekspertëve të azilit.
Sipas të dhënave zyrtare greke numri i emigrantëve të cilët më së shumti ndodhen në ishujt Lesbos, Chios, Kos, Samos dhe ishullin Leros në 6 muajt e fundit kanë kaluar 14 mijë. Pothuajse të gjithë emigrantët kanë bërë kërkesë për azil.
Ndërsa bëhet e ditur se për shkak të intensitetit ndaj disa emigrantëve i është lënë takimi pas disa muajsh për të kryer aplikimin për azil, ku gjithashtu edhe apelimi i kërkesave të refuzuara për azil e zgjat akoma edhe më shumë këtë proces. Përveç kësaj një tejtër shkak për zgjatjen e procedurave është edhe kalimi në intervistën e pranimit si shtesë e emigrantëve sirianë.
Plani 4 vjeçar nga Frontex
Në gjashtë muaj e gjysëm që nga arritja e marrëveshjes në muajin mars e deri tani në Turqi janë dërguar 578 emigrantë, ku vihet në dukje se nga mesi i tyre nuk ka aplikantë për azil.
Agjencia e Mbrojtjes së Kufijve të BE-së Frontex e cila është përgjegjëse për procesin e rikthimit po bën përgatitje katër vjeçare kundër rmundësisë së zgjatjes së këtij procesi.
Sipas një informacioni të një agjencie udhëtimesh e cila bashkëpunon me Frontex-in për rikthimin e emigrantëve në Turqi mësohet se agjencia ka kërkuar çmimin e ofertës nga operatorët e udhëtimeve për një kontratë katërvjeçare me opsion dy vjeçar.
Ndërsa në anën tjetër krahas mungesës së kapaciteteve në ishuj dhe kushteve të këqija ku ndodhen refugjatët, edhe shqetësimet e popullatës lokale kanë sjellë në rendin e ditës evakuimin e një pjese të emigrantëve në tokën kryesore.
