Në këtë lagje në dy vitet e fundit nuk ka ndryshuar fare infrastruktura, por shtëpia e nënkryetarit të Prishtinës Dardan Sejdiu po rritët me hapa të shpejtë. Të paktën kështu tregojnë deklarimet pasurisë të shpalosura në Agjencinë Kundër Korrupsionit.
Nëse në vitin 2012, është thënë se shtëpia ka kushtuar 115 euro, sot thuhet se kushton 150 mijë euro, shkruan lajmi.net.
Suzana Sejdiu, ish kryetare e Gjykatës Ekonomike në Prishtinë e cila është nëna e nënkryetarit të Prishtinës, në deklarimin e vitit 2010 ka shkruar se shtëpia e madhësisë 182 m2 është blerë – ose e ka vlerën 115 euro. E që është shkruar se e ka blerë djali i saj në vitin 2008. Kjo shumë e pa ndryshuar prej 115 mijë euro në deklarimin e pasurisë tek ish gjyqtarja është paraqitur për tri vite me radhë, në vitin 2010, 2011, 2012.
Dardan Sejdiu për herë të parë e ka deklaruar pasurinë në vitin 2014, në cilësinë e nënkryetarit të Prishtinës. Në këtë vit ka shënuar se shtëpinë e hapësirës 182 m2 e ka blerë në vitin 2008, dhe vlera është 140 mijë eurove. Kjo vlerë monetare është paraqitur edhe në vitin 2015 e 2016. Në vitin 2017, asaj i është rritur vlera për 10 mijë euro, pra në 150 mijë euro.
Paqartësi ka edhe tek kredia e marrë për blerjen e shtëpisë. Ish gjyqtarja Suzana Sejdiu në vitin 2011-2012 ka shkruar se janë marr 60 mijë euro me kohëzgjatje prej 5 viteve nga Dardani për blerjen e shtëpisë, ndërsa dy vite më vonë, nënkryetari Sejdiu në fillim të viti 2014 ka deklaruar se ka një kredi në vlerë prej 30 mijë eurove me kohëzgjatje deri në vitin 2021.
Në lagjen “Nic” të Graçanicës jeton edhe kryetari, Shpend Ahmeti, veç se ky ka thënë se banon përkohësisht në shtëpinë e vëllait.
Sejdiu, në kohën kur e kishte blerë shtëpinë, ka qenë i angazhuar si President i Bordit Menaxhues të Fondit Slloveno-Kosovar të Pensioneve me rol kyç në menaxhimin e këtij fondi për tërë Kosovën, pronar i së cilës ka qenë biznesmeni Ekrem lluka. Sejdiu e ka ushtruar këtë detyrë për katër vite dhe ka pasur një pagë mujore në vlerë prej 2800 eurove.
2012
2014
2016
2017
