“ Qyteti i Prishtinës është zhytur në një ndotje të ajrit jashtë vlerave kufitare që është nga 116 deri 176. Ne kemi bërë një planë të veprimit ku si masa specifike kemi përmendur heqjen e veturave të vjetra nga qarkullimi në bazë të përvojave të BE. Përveç veturave edhe djegia e lëndëve djegëse për tu ngrohur nga qytetarët janë dy faktorët që kanë ndikuar në së shumti në ndotjen e ajrit”.
Për çudi Ramadani ka theksuar se KEK-u nuk ka ndikuar në ndotjen e ajrit, pavarësisht se termocentralet me qymyr janë të njohura për ndotje të ajrit, por edhe për shkak të vjetërsimit.
“Ndërsa Termocentrali Kosova A për shkak të masa obliguese që ka marr nuk është se ka ndikuar në këtë aspekt”.
Ndërsa kryetari i Kuvendit, Veseli ka thënë se ajri është çështje emergjente, dhe ka premtuar se Kuvendi do të merr një iniciativë që të implementohet një planë kombëtar për cilësinë e ajrit.
“Cilësia e ajrit është çështje emergjente për jetën e qytetarit. Kuvendi do të merr çdo iniciativë që të implementohet plani kombëtar për cilësinë e ajrit dhe besoj që shumë shpejtë do ta kemi nga Ministria e Ambientit”, ka thënë Veseli.
Ai ka theksuar se degradimi i ambientit është tjetër shqetësim.
