Lexues të lajmi.net, banorë të kësaj ane, duke mos gjetur ndonjë zgjidhje tjetër, kanë vendosur të ankohen duke e publikuar hallin e tyre.
Ata tregojnë se kjo rrugë para një muaji ishte shtruar me zhavorr, investim ky i komunës së Drenasit.
E kur banorët menduan se problemi u zgjidh, pas shtrimit të rrugës deh bërjes së saj të kalueshme, ata thonë se u desh të vendoset ujësjellësi.
Edhe pse investimi i dytë ishte gjithashtu i mirëpritur prej tyre, e keqja është se rruga e shtruar më parë me zhavorr u dëmtua sërish.
Tani gypat e ujësjellësit janë vendosur, por rruga u ka mbetur sërish e dëmtuar dhe në këtë gjendje.
Ata thonë se kanë bërë kërkesë në komunë, por nuk ka ndonjë shpresë se mund të rregullohet.
Kjo pasi komuna vetëm para pak kohe e kishte shtruar këtë rrugë.
E derisa autoritetet komunale të vendosin sërish ta rregullojnë, rrugën, banorë e Baicës do të duhet të kalojnë nëpër baltën që ka mbuluar zhavorrin.
