UEFA këmbëngul se nuk ka plane për të lëvizur gjysmëfinalet dhe finalen e Euro 2020 larg stadiumit të Uemblit të Anglisë.
Stadiumi kombëtar i Anglisë do të presë pesë ndeshjetme eliminim direkt, por UEFA konfirmoi javën e kaluar se ekziston një “plan i emergjence” nëse tifozët e huaj do të detyrohen të karantinojnë për 10 ditë në përputhje me protokollet e koronavirusit në Mbretërinë e Bashkuar.
Rastet e COVID-19 janë rritur javët e fundit në Britaninë e Madhe, nxitur nga varianti Delta i identifikuar për herë të parë në Indi, me 10.633 teste pozitive të hënën.
Raportet e fundit sugjeronin që presidenti i UEFA-s Aleksander Ceferin ishte i përgatitur për të zhvendosur gjysmëfinalet dhe finalet në Budapest, ndërsa kryeministri italian Mario Draghi bëri thirrje që ndeshjet e prestigjit të luhen diku tjetër, me Romën të përmendur si një tjetër alternativë.
Sidoqoftë, organi drejtues i futbollit evropian mbetet i përkushtuar për të organizuar tre ndeshjet më të mëdha të turneut në ëembley.
“UEFA, FA Angleze dhe autoritetet angleze po punojnë ngushtë së bashku me sukses për të organizuar gjysmëfinalet dhe finalen e Euro 2020 në ëembley dhe nuk ka plane për të ndryshuar vendin për ato lojëra,” tha një zëdhënës i UEFA të martën.
Gjysmëfinalet do të zhvillohen më 6 dhe 7 korrik para finales më 11 korrik. Ndërsa po negociohet që të pranishëm në këto evente të mëdha të jenë 65 mijë tifozë.
UEFA është në bisedime me qeverinë britanike në lidhje me rritjen e pjesëmarrjes në ëembley Stadium në 65,000 për gjysmëfinalet dhe finalen e Kampionatit Evropian, thanë të hënën njerëzit që ishin në dijeni të vendimeve.
Qeveria tashmë kishte rënë dakord për të rritur kapacitetin aktual të fazës së grupeve prej rreth 22,000 në të paktën 40,000 për një ndeshje në raundin e 16 dhe tre ndeshjet e fundit të turneut Euro 2020 në stadiumin 90,000 vendesh.
