Boris Johnson ka falënderuar mjekët për punën e tyre dhe është shprehur:”U kam borxh jetën time”.
Britani e Madhe-Kryeministri britanik, Boris Johnson ka folur për herë të parë nga spitali “St Thomas”, ku po merr mjekim, pasi është i infektuar me COVID-19. Ai ka falënderuar të gjithë mjekët që po i shërbejnë dhe është shprehur: “Unë ua kam borxh jetën time”.
Kryeministri u shpreh se ishte i kënaqur nga puna e mjekëve dhe tashmë ai ka lënë repartin e kujdesit intensiv dhe ndodhet në një dhomë të Spitalin “St Thomas”. Duke përshëndetur punën e mjekëve, ai tha më tej: “Nuk mund t’i falënderoj sa duhet”.
Kryeministri britanik Boris Johnson po e merr veten në kohë rekord, pasi ka dalë nga terapia intensive. Sipas mjekëve, ai tanimë është në gjendje të bëjë shëtitje të shkurtra. Johnson u dërgua në spital të dielën e kaluar, pasi gjendja e tij shëndetësore u përkeqërua. Ai rezultoi pozitiv me koronavirus në 27 Mars, por vazhdoi të punojë nga shtëpia duke infektuar edhe të fejuarën shtatzënë.
