Nevena Shunjevariq, një vajzë 30-vjeçare nga Beogradi ka zgjedhur Shqipërinë për të kaluar pushimet. Ajo vizitoi vendet më të bukura të Shqipërisë dhe ka folur në lidhje me opinionin e gabuar që është përhapur në Serbi në lidhje me shqiptarët.
“Vendosa të shkoj me pushime në Shqipëri, pasi isha kurioze që të zbuloja destinacione të reja, akoma jo të pëlqyeshme dhe të arritshme për ne. Në internet, kryesisht në faqet e huaja, mësova për ofertën e tyre dhe turizmin, deti shqiptar më dukej shumë i pastër nga fotot, kurrë nuk dyshoja nëse do të shkoja, edhe pas komenteve negative dhe skeptike nga njerëzit përreth, të cilat më dhanë adrenalinë dhe motivim shtesë për të shkuar në Shqipëri.
Në udhëtimin tim të parë për në Shqipëri, unë isha në tre vende të ndryshme: Vlorë, Borsh dhe Sarandë, sepse në 10 ditët që kalova atje, doja të shihja sa më shumë të ishte e mundur. Vlora është një qytet turistik shumë i zhvilluar, me një shëtitore të mrekullueshme përgjatë detit, me shumë restorante me peshk deti të freskët, ndërsa çmimet janë ë arsyeshme,” u shpreh ajo për Blic.
Ajo ka treguar edhe në lidhje me mikpritjen e pushuesve shqiptarë, ndërsa ka shtuar se të gjithë e kanë pyetur në lidhje me situatën në Serbi.
“Nuk ka shumë turistë nga Serbia në Shqipëri, kështu që ata janë kryesisht entuziastë dhe shumë të sjellshëm me ne, të moshuarit na kuptojnë dhe unë mund të flisja me ta. Ata kryesisht pyesin për situatën në Serbi dhe standardin tonë dhe nëse është hera e parë që vizitoj vendin e tyre. Nuk kam dëgjuar absolutisht asnjë koment negativ dhe as kam pasur përvoja negative.
E vetmja gjë negative që renditi ajo, ishte prania e madhe e maceve dhe qenve endacakë në plazhe, dhe ka theksuar se sapo t’i jepet mundësia do ta vizitojë sërish Shqipërinë,” u shpreh ajo.
