Emrat e studentëve të universiteteve të mbyllura, që do të vijojnë fakultetin do të shpallet të premten e javës tjetër. Ndërsa regjistrimet vijojnë, dokumentet e tyre do të merren në shqyrtim nga komisionet që do të ngrenë dekanatet, në harkun kohor të dy ditëve në datat 14-16 tetor.
Në sekretaritë e universiteteve publike, ku komisionet e ngritura po mbledhin dokumentet e studentëve “të penalizuar”, shihet se numri i atyre që kanë aplikuar dhe po vijojnë, deri më tani është shumë i ulët. Kjo, në bazë të numrit shumë të madh të tyre. Nga sekretarët e komisioneve mësojmë se ka dosje të vlefshme dhe të pavlefshme. Në fakultetin e Ekonomisë, sekretari që pret këtë kategori studentësh na thotë se deri sot (dje) ka pasur vetëm 50 aplikime. Një shifër e tillë, në degët ku pjesa më e madhe e studentëve kanë mbyllur 2 apo 3 vjet studimi te privatët e mbyllur është befasuese. Pikërisht, prej udhëzimit të fundit të MAS-it, që për t’u lënë hapësirë dhe kohë atyre për transferim, afatet u shtynë për në datën 13, shihet se ka shumë pak kërkesa për të vijuar më tej në publik. Taulant Liço na tregon se tashmë jemi ende në fazën e pranimit të dokumenteve. “Këtu bëhet vetëm pranimi i dokumenteve. Deri të hënën ato i mbajmë këtu dhe më pas i çojmë të gjitha te dekanati. Aty krijohet komisioni dhe i përzgjedhin ata se cilët studentë do të regjistrojnë dhe cilët jo. Tani, në procesin e aplikimit, ne shohim dosjen që ata dorëzojnë, përfshirë dhe tarifën prej 3 mijë lekësh dhe për ata që kanë mangësi, u themi që të rikthehen me dosje të plotë”,- shprehet Liço, duke shtuar se me këtë ritëm kërkesash, numri i tyre në mbyllje të afatit mund të arrijë deri në 75.
Studentët presin përgjigjet
Pasi lajmit të mbylljes së 18 universiteteve private në fillim të gushtit, ministria e Arsimit dhe Sportit dha garancinë se asnjë student nuk do të mbetej pa shkollë, duke iu dhënë shansin e vijimit të studimeve aty ku e kishin ndërprerë. Por, kriteret e papërmbushura të IAL-ve private, duket se prekën dhe kjo fillimisht nuk u vu në dukje. Tashmë kur “fituesit” duhet të kishin marrë vërtetimin e vijimit të shkollës, ende nuk ka dalë emri i parë. Kur e pyesim sekretarin e fakultetit të Ekonomisë për dokumentet që ka marrë në dorëzim, ai na thotë se vetëm gjysma e atyre që janë paraqitur mund, të vijojë. “Raporti është 50 me 50. Pra, gjysma e tyre mund t’i kenë të sakta. Pjesa më e madhe e tyre pyesin se kur do dalin përgjigjet, por udhëzimi citon se pas mbylljes së pranimit të dokumenteve, shqyrtimi do të zgjasë 2-3 ditë. Pra, siç llogaritej të mbyllej të premten, në datën, 3 udhëzimi njoftonte se pas katër ditësh do të kishte përgjigje. Pra, duke parë këtë udhëzim, në qoftë se afati i fundit i regjistrimeve është të hënë, ne mund të themi se të premte del njoftimi për ata që do pranohen. Sepse në fakt, për ta nuk do të ketë lista fituesish sepse të gjitha njoftimet dalin online”, – shprehet Liço.
E nisin nga e para…
Megjithëse një numër shumë i vogël studentësh, në degën e Frëngjishtes, studentët që kanë çuar dokumentet, kanë të gjithë të njëjtin problem në dosje. Ata vijnë nga “Vitrina” dhe sipas sekretareve të fakulteti, një zgjidhje e ofruar për ta, është mundësia e fillimit të viteve akademike, nga e para. “Studentët e “Vitrinës” nuk kanë pasur program dhe listë notash. U caktua që ato do të çoheshin në rektorat dhe më pas ky i fundit do t’i dorëzonte në fakultete. Ne kemi mbajtur dokumentet e studentëve që kanë ardhur, të cilat do fillojnë të shqyrtohen nga sot. Por mund të themi se numri i tyre është i pakët, ndoshta për shkak të mungesës së dokumenteve që kanë, sepse nevojiten një sërë dokumentesh, përfshirë dëftesën e shkollës së mesme etj. Ende nuk ka miratim sepse nuk janë shqyrtuar, por titullarja jonë tha se meqenëse ato nuk kanë listë notash, ne do t’i fusim në vit të parë, por ende nuk ka një përgjigje përfundimtare sepse nuk janë shqyrtuar. Për shembull ata studentë që nuk kanë numër matrikullimi ne nuk i fusim. Po në fakultetin tonë, vetëm 5 vetë kanë sjellë dosjet për transferim dhe janë të pestë të universitetit Vitrina”, – shprehen sekretaret e komisionit, të cilat po mbledhin dokumentet e studentëve.
Shtyrja e afateve
Ministria e Arsimit vendosi të shtyjë afatin e aplikimit pranë universiteteve publike për të gjithë kandidatët që transferohen nga IAL-të të cilave iu është hequr licenca, deri në datën 13 tetor 2014. Ky vendim u mor në vijim të evidentimit të nevojës për të plotësuar dokumentacionin nga ana e studentëve për të kryer aplikimin pranë IAL-ve publike si dhe shqyrtimin e tyre nga komisionet përkatëse të ngritura. Në kushtet kur, në shumë raste, studentët që transferohen nga IAL-të private nuk janë pajisur nga këto IAL me të gjithë dokumentacionin e nevojshëm për të mundësuar transferimin e tyre në një IAL tjetër, edhe pse ky ka qenë një detyrim i shprehur qartë në Udhëzimin 25, MAS po pajis me numër matrikullimi të gjithë studentët të cilët nuk e kanë patur atë në dosjet e tyre, edhe në ato raste kur ky numër matrikullimi i është komunikuar edhe më parë IAL-së përkatëse nga Agjencia Kombëtare e Provimeve, por këto IAL nuk e kanë vendosur atë në dosjen e studentit. Gjithashtu, Ministria e Arsimit dhe Sportit, po punon për të mundësuar pajisjen e studentëve me të gjithë dokumentacionin e nevojshëm, për të mundësuar aplikimin e tyre për transferimin e studimeve. Për këtë është ngritur një Komision që po shqyrton të gjitha rastet e ankesave të paraqitura nga studentët si dhe pajisjen e tyre me të gjithë dokumentacionin e nevojshëm.
Emrat e studentëve që u ka dalë numri i matrikullimit:
Adnand Hekuran Beqo
Afrim Mersin Dija
Ana Petrit Nozllaku
Anila Mehmet Bushi
Anila Ukni Gjeta
Anila Hajdar Hidri
Ardita Eqerem Beqo
Artur Sadik Duriçi
Denis Mehmet Bibaj
Dorjan Kujtim Merepeza
Eduart Skënder Malaj
Elsa Syrja Dija
Elsa Haxhi Shameti
Emiljan Baki Binaj
Erlind Ismail Beqiri
Etleva Ilia Toro
Fatmire Besim Rexhaj
Flogerta Napolon Spahiu
Gazmir Ilmi Lleshi
Gëzim Xhevair Biba
Jetmir Jak Nikolli
Leme Haxhi Meta
Luan Hysen Ponari
Oltjana Dali Kola
Rezearta Sejdin Jahiqi
Rudina Belçuk Elezi
Sabina Besnik Elezaj
Sentiliana Vladimir Jashari
Servete Sehit Abbaz
Suada Ndriçim Hylviu
Valentina Tomorr Telhaj
Vilson Perparim Nuhaj
