Kryetari i Kuvendit ka reaguar pas akuzës së pararadhëses së tij demokrate, të cilën ai e ka cilësuar të pacipë dhe aleate me mafien në Shkodër

Akuza të rënda kanë shkëmbyer sot mes tyre, kryetari i Kuvendit Ilir Meta dhe paraardhësja e tij në këtë detyre, Jozefina Topalli.  Ndërsa Topalli e ka akuzar se po tenton të manipulojë votën në Shkodër, Meta e ka cilësuar Topallin të pacipë.  “Z.kryetar i Parlamentit mos bëni presion të bleni votën. E kam fjalën këtu për Shkodrën. E keni bërë njëherë aq më tepër ata që keni punësuar në administratrë ia ke neverit. Nëse vota do jetë e fshehtë ata nuk do të votojnë më”, tha Topalli në përgjigje të saj, Meta u shpreh: “Ke folur për këtë çështje por është e drejta jote të jesh e pacipë, po mos harro se na njeh Shkodra dhe qytetarët që janë atje. Nëse ke fakte dorëzoi në Polici dhe Prokurori. Ti do ti justifikosh humbjet e zgjedhjeve”, tha Meta. Pas kësaj Topalli ka kërkuar fjalën në Kuvend por Meta e ka refuzuar. Në këtë moment është acaruar debati mes tyre kur Topalli i tha Metës: ”Ti je mafia!”. I ashpër ka qënë edhe reagimi i Metës: “ Atë që ti e quan mafie, sot e ke aleat. Ai që të quante ty moldave, i ke harruar ti po nuk të harrojnë njerëzit, nuk shiten shkodranët. Mafia që të ka thënë ”moldave” e ke aleat sot. Unë nuk flas asnjëherë po meqë zonja më ka përmendur drejtpërdrejt unë do t’ia jap këtë përgjigje sot. Me qetësi dhe dashuri e ke dhe në 21 qershor”, tha Meta.