Ata që dikur ishin në barrikada dhe angazhoheshin për ndarjen e Kosovës, sot janë në institucionet e Kosovës thotë ai, në nivel qendror e komunal.Prandaj, sipas presidentit, edhe politizimi i kësaj çështjeje nuk është tjetër veçse farsë e politikes elektorale,për fitimin e ndonjë pike politike, por edhe për linçimin e oponentëve politike.
“Mund të mos pajtohemi për politikat dhe për rezultatet e politikave tona. Por, besoj se të gjithë ata që ja duan të mirën Kosovës, fëmijëve të tyre, gjeneratave që do të vijnë, pajtohen se dhuna dhe kanosja nuk kanë vend në Kosovë.Është e papranueshme që për motive politike të sulmohen zyrtarët e shtetit të Kosovës, të sulmohen institucionet dhe ndërtesat e shtetit të Kosovës”, ka thënë presidenti Thaçi.
“Kjo nuk do të tolerohet. Dhuna i përket të kaluarës.E ardhmja është në paqe, dialog dhe në bashkëpunim”, thotë ai.
Presidenti Thaçi, në fund të videomesazhit të tij thotë se vetëm duke i integruar komunitetet e largojmë ndikimin e Serbisënë Kosovë.
“Vetëm duke bashkëpunuar me fqinjët, integrohemi në NATO e BE”, thotë Thaçi.
Presidenti Thaçi në fund bëhet edhe më konkret për qytetarët, duke thënë se zgjedhjet para nesh janë shumë të qarta:Integrim ose izolim!
“Unë, bashkë me ju, jam i përcaktuar për integrimin e Kosovës në familjen euroatlantike. Zoti e bekoftë Kosovën dhe popullin e saj”, përfundon presidenti Thaçi.
….
Presidenti Thaçi: Mosratifikimi e minon të ardhmen evropiane të Kosovës
Presidenti Thaçi thotë se çdo vonesë për ratifikimin e demarkacionit nga Parlamenti i Kosovës, e minon të ardhmen evropiane të Kosovës.
(I plotësuar 20:15)- “I thyen shpresat dhe besimin që gjatë këtij viti qytetarët e Kosovës do të lëvizin në zonën Shengen.Pra, humbim mundësinë për liberalizim te vizave”, thotë presidenti Thaçi.
Madje, sipas tij, ky nuk është dëmi i vetëm, por vetëm fillimi i dëmeve që do të pasojnë, shkruan lajmi.net.
“Do vonohemi edhe për themelimin e Forcave te Armatosura të Kosovës dhe shtyhet dialogu politik me NATO-n.Askush në botë nuk na përkrah në acarimin e raporteve me një vend fqinj, që gjithnjë na ka përkrahur siç është Mali i Zi, e që ka marrë ftesën të bëhet anëtar i NATO-s.Ne duhet të vazhdojmë raportin strategjik të fqinjësisë dhe vlerave euroatlantike me Malin eZi”, ka thënë ai.
Presidenti Thaçi ka thënë se ne nuk po korrigjojmë padrejtësitë historike, por mund ta sigurojmë të ardhmen euroatlantike.
………..
Presidenti Thaçi: Demarkacioni po keqpërdoret për politikë ditore, Kosova s’humb asnjë metër territor
Presidenti i vendit, Hashim Thaçi, përmes një videomesazhi drejtuar popullit ka thënë se Kosova, duke u bërë shtet i pavarur dhe sovran, duke u njohur nga shumica e shteteve të botës, përveç privilegjeve ka marrë mbi vete edhe përgjegjësitë ndërkombëtare.
(I plotësuar 20:10)- Pa marrjen e këtyre përgjegjësive,presidenti Thaçi thotë se Kosova as nuk do të bëhej e lirë, as sovrane e as nuk do ta kishte mbështetjen e fuqishme ndërkombëtare.
Sipas tij, parakusht për të ardhmen evropiane është fqinjësia e mirë, shkruan lajmi.net.
“Para një viti Kosova nënshkroi marrëveshjen për shënjimin e vijës kufitare me Malin e Zi. Kam respektuar dhe dëgjoj me vëmendje çdo opinion dhe diskutim prejkujtdo qoftë për këtë çështje.Por, dua ta them shumë hapur: keqpërdorimi i kësaj agjende për përfitime politike apo për politikë ditore është kauzë e paqëndrueshme dhe mbi të gjitha e rrezikshme”, ka thënë presidenti Thaçi.
Ai ka shtuar se marrëveshja është e drejtë, e saktë, e konfirmuar nga ekspertë të shquar kombëtarë dhe ndërkombëtarë. “E them përsëri: Kosova nuk ka humbur asnjë metër katror të territorit të saj. Nuk është cenuar asnjë pronë private apo e drejtë për shfrytëzimin e pronave publike”, thekson presidenti në videomesazhin e tij.
………………..
Presidenti Thaçi: Kosova në udhëkryq historik, dëgjoni këshillat e SHBA-së
Presidenti i Republikës së Kosovës, Hashim Thaçi, përmes një videomesazhi i është drejtuar qytetarëve të vendit për zhvillimet e fundit në vend.
Thaçi ka thënë se në rrafshin politik dhe institucional, Kosova është në udhëkryq historik.
“Të marrë vendime jo të lehta, por të drejta, dhe të lëvizë shpejt drejt zhvillimit ekonomik dhe integrimeve euroatlantike apo të vazhdoj me këtë pasivitet dhe vendnumërim, duke mbetur peng i të kaluarëssë dhimbshme e duke penguar zhvillimin e të ardhmes së ndritur”, ka thënë presidenti Thaçi.
Ai ka thënë se nga e kaluara duhet të nxjerrim mësime dhe të kuptojmë se cilët janë miqtë tanë të vërtetë, shkruan lajmi.net.
“Kemi pasur besim në këshillat e Shteteve të Bashkuara të Amerikës dhe prandaj firmosëm Rambujenë.Ishte vendim i vështirë, por historia e dëshmoi se ishte vendim i duhur.Kemi dëgjuar këshillën e aleatëve tanë amerikanë dhe evropianë dhe kemi pranuar “Pakon e Ahtisaarit” dhe bëmë shumë mirë.Ashtu siguruam pavarësinë e Kosovës.Historia na ka dëshmuar se këshillat e Shteteve të Bashkuara të Amerikës na kanë siguruar lirinë dhe pavarësinë.Prandaj, edhe sot askush nuk guxon të vë në dyshim vullnetin e mirë, dashamirësinë dhe suksesin e këshillave të marra nga aleati ynë strategjik”, ka thënë presidenti Thaçi.
Presidenti i vendit ka thënë se qëllimi dhe vizioni ynë është që të jemi sa më shpejtë anëtar i NATO-s dhe Bashkimit Europian, e një ditë jo të largët edhe nëKombet e Bashkuara.
