Ai tha se ka identitet shtetëror, por nuk ka identitet kosovar. “Nuk mund të ndërtohet identiteti kosovar”, deklaroi presidenti i Republikës së Kosovës gjatë një interviste në mediat e Tiranës.
Sipas presidentit, shqiptarët duhet të jenë krenarë që kanë dy shtete.
“Ka pasur edhe tentime të nderohet edhe një identitet jugosllav, por kanë dështuar”, tha ai.
“Por identitet të kombit kosovar nuk ekziston në kokat e shëndosha as në Kosovë as në Shqipëri”.
Presidenti kritikoi edhe shqiptarët e Shqipërisë, të cilët u referohet shqiptarëve të Kosovës si- kosovarë.
“Kjo duhet të hiqet, jemi të gjithë shqiptarë”.
Ai deklaroi se ata që pretendojnë ta cenojnë identitetin shqiptar, e kanë gabim.
