Kjo për arsye se Ministria e Financave ka paraparë që të ndajë buxhet të përgjysmuar kundrejt kërkesave të tyre, edhe pse gjatë dëgjimit publik për Projektbuxhetin e vitit 2017 ministri i Financave, Avdullah Hoti, kishte bërë të ditur se “i kanë adresuar plotësisht nevojat të cilat i kanë organet e drejtësisë, në mënyrë që të krijohen kapacitete për sundimin e ligjit në Kosovë”.
Buxheti i Prokurorisë nuk i plotëson nevojat elementare
Prokuroria e Shtetit, që është organi kryesor i ndjekjes penale në vend, edhe gjatë vitit të ardhshëm do të ketë mungesë të mjeteve financiare. Kjo për arsye se Ministria e Financave nuk ua ka aprovuar kërkesën e tyre për rritje të buxhetit.
Sipas Hekrem Lutfiut, nga Këshilli Prokurorial, buxheti i paraparë për vitin 2017 nuk i plotëson as për së afërmi nevojat e tyre.
