Sipas tyre, zvogëlimi i buxhetit është ndërhyrje direkte në punën e RTK-së.
Lexoni reagimin e plotë të SPERTK-së:
Sindikata e Punëtorëve e RTK-së, ka marrë me shqetësim lajmin për shkurtimin e buxhetit të RTK-së nga 0.7% në 0.5%. Me këtë ndarje të buxhetit nga Qeveria e Kosovës, RTK-së i pamundësohet funksionimi normal tani e tutje.
SPERTK vazhdimisht i ka bërë thirrje themeluesit të saj Kuvendit të Kosovës, që sa më parë të siguroj buxhetin e mjaftueshëm për funksionimin normal të RTK-së por një gjë e tillë tashme nuk ndodhi.
SPERTK edhe një herë i bënë thirrje Kuvendit të Kosovës, që ta marrë parasyshë propozimin e EBU-së sa i përket financimit të mjaftueshëm dhe të pavarur të RTK-së. Sindikata e Punëtorëve e RTK-së nuk do të pajtohet asnjëhere me rrezikimin e funsionimit të mediumit të vetëm publik RTK.
SPERTK u bënë thirrje të gjithë aktereve dhe ne veçanti Kuvendit të Kosovës të ndermarr masa për të garantuar funksionimin e pavarur të RTK-së, të miratoj ligjin për RTK-në i cili tashmë është jetik për funksionimin e medimit publik, me të cilin do të garantohet zgjidhja e përhershme dhe pavarur e financimit, definimi i pronës digjitalizimi e shumë çështje të tjera.
SPERTK zvoglimin e buxhetit e konsideron ndërhyrje direkte ne punën e RTK-së dhe po ashtu beson se këtë shumë të ndarë për RTK-në nga Qeveria, Kuvendi i Kosovës ta ndryshoj dhe ta rrisë për të mos shkaktuar paknaqësi dhe protesta të cilat duket se do ti kemi të pa shmangëshme për të mbrojtur dinjitetin tonë dhe mediumin publik RTK. Andaj kërkojmë urgjentisht që forma dhe shuma e ndarë të ndryshohet dhe te rritet.
Sinqerisht,
Kryesia e SPERTK-së
