Deputetët e Listës Serbe nuk kanë votuar për asnjërin prej kandidatëve për President të Kosovës, por kanë qëndruar në sallën e Kuvendit kur është votuar për zgjedhjen e Presidentit, sepse kanë vlerësuar se kështu kontrobuojnë për realizimin e qëllimit të popullit serb në “krahinën” e Kosovës.
Kështu ka thënë për gazetën “Novosti” të Beogradit Slavko Simiq, kryetar i Listës Serbe, duke shtuar se, me pjesëmarrje në punën e institucioneve të Kosovës, serbët realizojnë qëllimet për popullin e vet, transmeton Koha net.
Në vërejtjen e gazetës se me pjesëmarrjen në seancë serbët kanë krijuar kuorumin e nevojshëm që President të zgjidhet Thaçi, i cili është dënuar nga gjykata serbe me 10 burgim për terrorizëm dhe se ai dyshohet edhe për trafikim organesh të serbëve të vrarë, Simiq është përgjigjur:
“Na pëlqeu ose jo, Hashim Thaçi, për fat të keq, e përfaqëson shumicën e shqiptarëve në Kosovë dhe është në krye të partisë politike më të fuqishme në Kosovë, ndërsa në jetën politike është që nga ardhja e bashkësisë ndërkombëtare. Pra, me vetë pjesëmarrjen në zgjedhjet e Kosovës, jemi të vetëdijshëm se duhet të bashkëpunojmë, por ne thjesht kemi qenë të ballafaquar me dilemën – merre ose lëre… Megjithatë, kemi konsideruar se me pjesëmarrjen në politike mund të kontribuojmë për përmirësimin e jetës dhe për qëndrimin e serbëve në Kosovë si edhe, shpresojmë, për kthimin e të shpërngulurve”, është shprehur Simiq.
Lidhur me kërkesat që i janë shtruar Thaçit në këmbim të pjesëmarrjes së deputetëve të Listës Serbe në seancën e Kuvendit në të cilën është votuar për zgjedhjen e Presidentit, Simiq ka thënë:
“Të përkujtoj marrëveshjen me partitë politike shqiptare e ajo është formimi Aasociacioni të Komunave me shumicë serbe, e cila nuk është përmbushur. Për këtë do të vazhdojmë të insistojmë, si edhe për përmbushjen e kushteve që ndihmojnë përmirësimin e jetës së popullit tonë në krahinë, në mënyrë që serbët vërtet të funksionojnë papengueshëm, të punojnë dhe të realizojnë të drejta elementare të njeriut… Po ashtu kërkojmë zbatimin e Marrëveshjeve të Brukselit”.
Simiq ka mohuar se deputetët e Listës Serbe kanë marrë instruksione nga Beogradi për këtë qëndrim.
