Sharon Tate, modele dhe aktore amerikane, e njohur mbi të gjitha si bashkëshortja e regjisorit Roman Polanski, ishte e fiksuar pas meshkujve dominantë.
Në një libër të shkruar nga Ed Sanders për jetën e saj, thuhet se regjisori e kishte zhytur atë në një botë të mbushur me orgji, afera, video seksi dhe poshtërime.
Historia e jetës së saj, deri kur u vra nga banda djallëzore e Charles Manson, të lë me gojë hapur.
Babai i saj, Paul, ishte kapiten në ushtri dhe vazhdimisht mungonte në shtëpi.
Nëna e saj, Doris, e çonte vazhdimisht vajzën e saj të vogël në konkurse bukurie.
Kur ishte vetëm 6 muajshe, ajo u shpall Miss Bebja në Dallas.
Ishte fillimi i një jete përpara kamerave.
Ajo fitoi konkurse bukurie në SHBA dhe në Europë.
Por jeta nuk ishte vetëm kurora dhe rroba të bukura.
Autori thotë se Sharon u përdhunua kur ishte 17 vjeç, teksa kishte dalë me një ushtar në Itali.
Ajo e mbajti sekret deri në momentin kur ia besoi Polanskit këtë fakt.
Ai tha se kjo gjë “nuk e kishte dëmtuar emocionalisht Sharon-in”.
Në vitin 1963, ajo hyri plotësisht në botën e modës, por donte dëshpërimisht të bëhej aktore.
Ajo u lidh me aktorin francez, Philippe Forquet.
Afera e tyre vazhdoi deri në një propozim për martesë, mes spekulimeve se çifti zihej vazhdimisht dhe rriheshin.
Forquet në një rast tha se ajo e kishte prerë në gjoks me një shishe të thyer vere.
Tate u nda me aktorin francez dhe vazhdoi sërish historinë me meshkuj dominantë.
U lidh me aktorin Steve McQueen, u fejua me Jay Sebring dhe më pas nisi aferën e saj të fundit, me regjisorin Roman Polanski.
Të dy u njohën në Londër dhe Sharon nisi për herë të parë të “aktronte”.
Në fakt bënte video seksi në shtëpi me Polanskin dhe ky i fundit ua tregonte shokëve.
Polanski filmonte orgjitë në shtëpinë e tyre dhe ua tregonte videot njerëzve në festa.
Më vonë u tha se ato ishin filma porno sadomazokistë me shumë fytyra të njohura të Hollivudit.
Sharon ishte plotësisht e frikësuar prej tij.
Kur ishte në publik me Polanskin, kurrë nuk e hapte gojën.
“Ai i tregonte se çfarë duhej të vishte, çfarë makijazhi të vinte, çfarë i pëlqente atij dhe çfarë jo. Ai drejtonte jetën e saj,” thotë një mikesha e Tate.
Tate dhe Polanski u martuan në janar të vitit 1968 në Londër. Ajo ishte 25 vjeç, Polanski ishte 34 vjeç.
Pasi u rikthyen në Los Angeles, shtëpia e tyre u bë vendi i festave dekadente.
Kur mësoi se ishte shtatzënë, Sharon i telefonoi ish-të fejuarit të saj, Sebring, për ta pyetur nëse duhej t’i tregonte Polanskit apo jo.
Ai i tha të priste një muaj, kur do ishte vonë për të kryer një abort.
Sharon ishte shtatzënë kur gjeti një video të Polanskit duke bërë seks me dikë në krevatin e tyre.
Ajo mendoi se duhej t’i jepte fund martesës.
Roman nga ana e tij nuk donte të kishte fëmijë. Ai i kërkoi që të abortonte në një klinikë në Brazil.
Kur ajo refuzoi, ai u kthye në Londër dhe nisi një aferë me këngëtaren Michelle Phillips.
Polanski nuk bënte seks me Sharon, por bënin të tjerët.
Vetë Michelle Phillips thotë se në shtëpinë e Polanskit ishin të zënë duke filmuar orgjitë dhe Sharon Tate ishte pjesë e tyre.
Edhe pse ai e poshtëronte në këtë gradë, ajo ishte sërish e dashuruar me të.
Megjithatë edhe durimi i saj e kishte një fund.
Një natë përpara 9 gushtit 1969, ajo i tha se do ndaheshin pasi të bënte beben.
Polanski tentoi të fluturonte nga Londra për në Los Angeles, por nuk gjeti biletë.
Ishte tepër vonë.
Më 9 gusht, Sharon, tetë muajshe shtatzënë, u ther 16 herë nga banda djallëzore e Charles Manson.
Ende nuk dihen shkaqet e vërteta të vrasjes, por autori i librit thotë se në këtë vrasje luan një rol të rëndësishëm një kult satanik anglez.
Sipas një hetuesi privat, që po merrej me vdekjen e Robert F. Kennedy, grupi satanik anglez kishte rekrutuar Charles Manson për të vrarë Sharon Tate, pasi ajo kishte informacione të rëndësishme për vrasjen e RFK.
Por nëse Sharon dinte diçka për vrasjen e Robert Kennedy, kjo mbetet ende një mister.
