Shqiptarët e Britanisë diskriminohen. Nuk është thjesht një konstatim i ndonjë emigranti të pakënaqur por nga një institucioni i shtetit shqiptar pikërisht “Komisioni për Mbrojtjen nga Diskriminimi”.
Është nga ato historitë e rralla kur një emigrant shqiptaro-britanik vendos me shpatulla për muri disa institucione të shtetit shqiptar, madje ato më të lartat, Ministrinë e Brendshme apo Ministrinë e Punëve të Jashtme.
Ka qenë një shkëndijë e hershme e Dritan Demës që ka konstatuar se shqiptarët e Britanisë po diskriminohen nga vete shteti shqiptar, pasi ata paguajnë shumë më shumë se një emigrant shqiptar në greqi apo Itali. Ky konstatim nuk e ka lejuar atë që “ të qëndrojë i qetë” duke kërkuar që ky diskriminim të mos përsëritet. Pas shumë e shumë kontakteve me institucione të shtetit shqiptar, pas shumë përplasje dyersh të atyre që ndjeheshin të bezdisur nga ky “emigrant grindavec” , ka qenë vendimi i “Komisionit për Mbrojtje nga Diskriminimi“ që jo vetëm i ka dhënë të drejtë pretendimit të tij, por ka gjobitur Ministrinë e punëve të Brendshme me 60 mije lekë, dhe i ka kërkuar Ministrisë së Punëve të Jashtme ……
Në përgjigjen prej 9 faqesh shpjegohet qartë sesi shqiptarët e Britanisë janë të diskriminuar…
“Në informacionin e dhënë, shtetasi D.D shpjegon se: “Shtetasit shqiptar që banojnë në Mbretërinë e Bashkuar janë të detyruar të paguajnë tarifa më të lartë për tu pajisur me pasaportë biometrike, gjë që vendos këto shtetas në pozita të pabarabarta në raport me shtetasit Shqiptar që banojnë në shtete të tjera. D.D informon se shtetasit Shqiptar me banim në Mbretërinë e Bashkuar në diferencë me shtetasit Shqiptar e me banim në /Itali dhe Greqi janë te detyruar që pagesat për pajisjen me pasaportë ti kryejnë vetëm nëpërmjet pagesës me (Postal order) dhe jo në forma të tjera gjë që ngarkon me pagesë ekstra këto shtetas për tu pajisur me pasaportë biometrike “.
Në njoftimet e publikuara nga Ministria e Jashtme, Ministria e Brendshme dhe selitë diplomatike të Republikës së Shqipërisë në shtete të ndryshme janë të publikuara tarifa të ndryshme për pajisjen e shtetasve Shqiptar me pasaportë biometrike.
Në nenin I te ligjit nr. 1022 1/2010 ‘•Për Mbrojtjen nga Diskriminimi”, parashikohet objekti i këtij ligji , duke u sanksionuar se: “Ky ligj rregullon zbatimin dhe respektimin e parimit të barazisë në lidhje me gjininë, racën, ngjyrën, etninë, gjuhën, identitetin gjinor, orientimin seksual, bindjet politike, fetare ose filozofike, gjendjen ekonomike, arsimore ose shoqërore, shtatzëninë, përkatësinë prindërore , përgjegjësinë prindërore, moshën, gjendjen familjare ose martesore . gjendjen civile, vendbanimin . gjendjen shëndetesore , predispozicionet gjenetike , aftësinë e kufizuar, përkatësinë në një grup të vecante, ose për do shkak tjetër “.
Diskriminimi për shkak të vendbanimit është shkak i cili gëzon mbrojtje nga ligji dhe bazuar në nenin 32/1/c të ligjit, Komisioneri ka kompetencë për të shqyrtuar shkeljet që i bëhen zbatimit dhe respektimit të parimit të barazisë”…
A do të vazhdojnë të paguajnë më shumë shqiptarët e Britanisë?
Besohet se jo. Madje në bazë të këtij vendimi mundet që çdo mërgimtar shqiptar i “diskriminuar” ,pra që ka paguar më tepër, mund të kërkojë edhe dëmshpërblim.
Vërtet për shumë mërgimtarë, sidomos ata në Mbretërinë e Bashkuar, ky është thjesht një hap shumë domethënës dhe së paku është një institucion pikërisht “Komisioneri për Mbrojtjen nga Diskriminimi” që mund të konstatojë dhe të mbrojë sadopak të drejtat e emigrantëve.
Shpresohet se ky hap do të jetë një shenjë që shumë gjera mund të bëhen nëse nuk pajtohemi me diskriminimin, me ato padrejtësi që u bëhen mërgimtarëve, e deri në rrafshin e përgjithshëm kur emigrantëve t’u sigurohet e drejta e zgjedhjes dhe të të zgjedhurit nga vendet ku jetojnë sic e kanë të gjitha vendet e rajonit dhe më gjerë…
Më poshtë po japim vendimin e pikërisht “Komisionit për Mbrojtjen nga Diskriminimi”
VENDOSI:
I. Ministria e Punëve të Brendshme të gjobitet në vlerën 60.000 (gjashtëdhjetë mijë) leke per mosdhënie të informacionit të kërkuar zyrtarisht nga Komisioneri për Mbrojtjen nga Diskriminimi .
2. Gjoba të derdhet në Buxhetin e Shtetit brenda një muaji nga marrja dijeni, mbi masën
administrative. Pagesa e kësaj vlere të bëhet pranë cdo banke në llogarinë e thesarit Tiranë, për llogari të: Komisioneri për Mbrojtjen nga Diskriminimi, NIPT : L02027451 K , Kodi: I 09100 I, Entiteti i Qeverisjes: I, Distrikti (TOO), Llogaria ekonomike: 71 15499.
3. Konstatimin e diskriminimit të tërthortë të shtetasve shqiptarë me banim në Mbretërinë
e Bashkuar nga ana e Ministrisë së Punëve të Jashtme të Republikës së Shqipërisë.
4. Në referim te pikës 3, Ministria e Punëve të Jashtme, rekomandohet që shtetasve Shqiptarë me banim në Mbretërinë e Bashkuar ti ofrojë mundësi pagese nëpërmjet sistemit bankar apo formave të tjera.
5. Bazuar në nenin 33 pika II, të ligjit “Për Mbrojtjen nga Diskriminimi “, Ministria e Punëve të Jashtme, detyrohet që brenda 30 (tridhjetë) ditëve të njoftojë Komisionerin, lidhur me veprimet e ndërmarra për zbatimin e këtij vendimi.
6. Në referim të nenit 33, pika II e ligjit 10221/2010 “Për Mbrojtjen nga Diskriminimi “,
moszbatimi i këtij vendimi sjell si pasojë ndëshkimin me gjobë sipas para shikimeve të
bëra në pikën 13 të po këtij neni.
7. Kundër këtij vendimi lejohet ankim sipas ligjit.
Ky vendim hyn në fuqi menjëherë.
