Situata vijon të jetë e rënduar sa i përket pandemisë nga Covid-19 në vendin tonë.
Bëhet me dije se sot në spitalin Infektiv ka pasur një fluks, kjo pas vendimit që u mor që për një muaj Infektivi do të presë urgjencat me të sëmurët Covid.
Mësohet se disa ambulanca po qëndrojnë para spitalit, në pritje për tu shtruar.
Një ditë më parë Ministria e Shëndetësisë njoftoi 809 raste të reja dhe 12 humbje jete. Deri më tani në vendin tonë 1028 persona kanë humbur jetën nga Covid, ndërsa numri i përgjithshëm i të infektuarve ka shkuar në 50.000.
