Nëse ju rastis që në rruge dikush t’iu grabisë nën kërcënimin e armës, atëherë mendoni se si te mbroheni vetë, pasi policia jo gjithmonë ja del. Një vit më parë në rrugën e Kavajës forcat speciale “Shqiponja” ishin vënë në ndjekje të dy personave, pasi kryenin veprime të dyshimta dhe duket se po bëheshin gati të kryenin nje grabitje.
Pasi e pikasen se po ndiqeshin nga policia Eduard Kacolli dhe Ndue Ndoi qëlluan ne drejtim të uniformave blu e në tentativë për t’u larguar u futën në rrugicën që lidh Islam Allën me Himë Kollin.
Nën kërcënimin e armës, ata ndaluan një drejtues motori për t’i marrë mjetin, por ajo që ndodhi më pas do t’iu habisë. Jo vetëm reagimi i drejtuesit te motorit, por edhe i forcave “Shqiponja”. Sipas komunikatës zyrtare te policisë veprimi i drejtuesit te motorit neutralizoi grabitësin, kjo dhe fale ndihmës së policisë, e cila ishte vënë në ndjekje.
Por pamjet tregojnë se fale ndihmës së qytetarit, i cili ne fakt po mbronte mjetin e tij, policia arrestoi 4 persona përfshirë dhe ate qe arriti te largohej me motor. Te gjithë janë të akuzuar për nje sëre grabitjesh me dhunë.
