Serbia do të vazhdojë të marrë armë nga Rusia pavarësisht kërcënimit të SHBA-ave për vendosje të sanksioneve.
Njoftimin e dha ministri serb i mbrojtjes Aleksandar Vulin gjatë një deklarate ditën e sotme.
‘’Serbia nuk është një koloni dhe do të vendosë vetë për forcimin dhe pajisjen e forcave të saj të armatosura”, tha ai.
Zyrtarët e Sh.B.A kanë folur hapur për vendosjen e sanksioneve kundër Serbisë nëse Moska dërgon më shumë armë në vend, veçanërisht ato që mund të rrezikojnë sigurinë e vendeve fqinje të NATO-s.
Serbia kohët e fundit ka pranuar një sistem të sofistikuar të mjeteve luftarake nga Rusia i cili gjithashtu ka siguruar avionë luftarakë, helikopterë sulmi dhe mjete të blinduara për vendin e Ballkanit, shkruan Associated Press.
Vulin, i cili njihet për qëndrimin e tij pro-rus, tha se dërgesat e fundit janë për qëllime mbrojtëse. Ai tha se nuk ka asnjë arsye për sanksione nga çdo vend që respekton të drejtën ndërkombëtare dhe të drejtën e Serbisë për të vendosur në mënyrë të pavarur si të armatoset.
Armatosja e Serbisë nga Rusia është parë me shqetësim në perëndim dhe mes fqinjëve të saj mes tensioneve në rritje në Ballkan që kaluan një luftë shkatërruese civile në vitet 1990. NATO ndërhyri në Serbi për të ndaluar një sulm të përgjakshëm serb kundër separatistëve shqiptarë të Kosovës në 1999.
Më herët Shtetet e Bashkuara shprehën shqetësim me faktin se Serbia vazhdon të blejë pajisje ushtarake nga Rusia.
