Selimi krahas shkrimit në Facebook i ka bashkangjitur edhe dy fotografi ku shihet Thaçi në protestën e LGBT, por ai thotë në fotografinë tjetër që paraqet protestën e veteranëve Thaçi nuk shihet askund.
“Presidenti duket që është i gatshem të solidarizohet me kategori të ndryshme të shoqërisë në Kosovë. Madje ai ka nisur të dalë edhe në protesta si shenjë solidariteti”, shkruan ai.
Selimi ironizon me Thaçin në fotografinë e parë ku thotë se po duhet tamam si burrështetas.
“E çmoj aktin e tij. Duket shumë bukur në foton e parë në parakalim në shesh. Tamam burrështetas.
Por, nuk po e shoh edhe në foton e dytë! Apo mos ndoshta ju po e shihni diku në masën e veteranëve protestues? Unë jo”, shkruan Selimi.
