Gazeta Fjala ka biseduar me shitësit e patundshmërive në këtë regjion, të cilët tregojnë se një ari tokë në këtë pjesë maksimumi shitet me çmim prej 500 eurove.
“Çmimet nuk janë shumë të larta në atë zonë. Maksimumi që një ari mundet të shitet është diku rreth 500 euro”, kanë thënë drejtues të Agjencionit të Patundshmërisë Eda.
Sipas tyre zona më e shtrenjtë është ajo e qendrës turistike në Bogë, ku ari sillet rreth 5 mijë euro.
Këtu, ka mbetur shumë pak tokë për tu shitur, derisa për pjesën kah Çakorri thonë se tani për tani ka pak interesim.
Edhe biznesmeni pejan, Ramiz Kelmendi, i cili po ndërton shtëpi në Bogë, nuk është i gtashëm të blejë në kufirin me Malin e Zi për shkak të terrenit të pa përshtatshëm.
“…pjesa e Rugovës pak e përdorë atë pjesë. Më shumë e ka përdor pjesa e rrafshit për shkak që me i ushqye kafshët me ushqim veror”, ka thënë Kelmendi.
Ai, i cili tasni është deputet i pavarur, ka bërë të ditur se nuk do të votoj pro vijës së demarkacionit, i cili i jep shtetit fqinjë territor.
“Une kamë thënë se nuk do ta votoj dhe ky ështët qëndrimi im, sepse jam pranë qytetarëve”, ka thënë Kelmendi për medie.
Sipas tij Çakorri ka qenë pikë strategjike dhe, “gjithmonë kemi dalë deri aty, bile në atë kohë është thënë se kufiri është pikërisht aty”.
Ndërkohë për ish deputetin i Kuvendit të Kosovës Ali Lajqi, toka e kontestuar prej 8000 hektar nuk ka çmim me të cilin mund të blihet.
Lajqi përmed shifra deri në 500 mijë euro për një hektar.
Ndërkaq sa i përket debatit për demarkacionin Lajqi nuk i arsyeton format e dhunshme të opozitës si zgjidhje për tryezën e debatit, derisa është pro kundërshtimeve të kësaj marrëveshje-je.
“Është pjesë e konsideratës të jetë një debat konkret me fakte. Opozita nuk ish dashtë me hedh gaz përgjegjësinë e merr shteti , por edhe opozita i ka metodat e veta. Duhet të kundërshtohet, kjo marrëveshje. Kjo çështje nuk guxon me kalu pa koncensus”, ka thënë, Lajqi.
E në anën tjetër më të zëshmit gjatë gjithë kohës për këtë marrëveshje kanë qenë deputetët e Lëvizjes Vetëvendosje.
Frashër Krasniqi, zyrtar për informim në VV, thotë se pavarësisht pjesëmarrjes së tyre në debat, nuk presin që kjo çështje të zgjidhet përmes debateve. Ai përsërit, vazhdimisht se Kosovës pritet ti humbin mbi 8000 hektarë me këtë marrëveshje.
Krasniqi thotë se përmes aktiviteteve të tyre opozitare do ta ndalin këtë projekt.
“Ne do të shkojmë në tryezë, por nuk duhet të mashtrohemi që demarkacioni do të ndalet përmes diskutimeve e debateve. Kjo qeveri është e shurdhër ndaj argumenteve prandaj vetëm përmes aktiviteteve intenzive opozitare dhe gjithë popullore do të arrijmë ndaljen e këtij projekti. Për format konkrete të rezistencës sonë ndaj këtij demarkacioni, do të flasim atëherë kur kjo çështje do të vijë në rend dite në Kuvend”, ka deklaruar Krasniqi.
E të enjten në Kuvendin e Kosovës po zhvillohet një debat lidhur me demarkacionin në të cilin po diskutojnë pjesëtarë të Qeverisë, opozitës si dhe ekspert të demarkacionit.
