Mijëra njerëz ishin mbledhur për një festë fetare në qytetin Bishoftu. Zyrtarët thanë se disa protestues anti-qeveritar hodhën gurë dhe shishe ndaj policisë. Pasi policia u kundërvu, u krijua panik e madhe dhe siç raporton BBC, nga rrëmuja e madhe disa kanë humbur jetën.
Sipas dëshmitarëve dhe opozitës në Etiopi, rreth 50 njerëz kanë gjetur vdekjen nga ajo që njihet si ‘stampedo’.
Ndërkaq zyrtarët e qeverisë kanë deklaruar se përgjegjësit për këtë ngjarje do të përballen me drejtësinë.
Trazirat në Etiopi kanë filluar që nga viti i kaluar, pasi disa rajone janë revoltuar me margjinalizimin ekonomik dhe politik nga qeveria.
Turmat në këtë tubim janë dëgjuar duke brohoritur “Kemi nevojë për liri”, “Kemi nevojë për drejtësi”.
