Është ndjenjë e trishtë kur gjen një gjobë në xhamin e makinës, aq më tepër kur mendon se e ke marrë pa të drejtë. Për shumëkënd ajo gjobë harrohet shpejt, por mund të jetë mbase rast unik; që një gjobë parkingu të shtyjë drejt një ëndrre të madhe; mbrojtja e së drejtës, shqip; të të bërit avokat.
Ritvan Reka e kujton atë moment që ishte një prej atyre pushimeve të vogla në udhëtimin e tij drejt suksesit.
Ishte vetëm 15 vjeç kur u gjend në Britaninë e Madhe, tepër i vendosur për të shfrytëzuar “shkollimin britanik” dhe kurrsesi të ishte pjesë e turmës, e atyre të rinjve që dëshpërimisht kërkonin punë, çfarëdo qoftë ajo (shpeshherë edhe të detyruar për shkak të kushteve në mëmëdhe).
Kishte plane më afatgjate, por akoma nuk ishte kristalizuar ideja e tij, apo më saktë akoma nuk e kishte marrë gjobën e makinës…
Në vitet e para këtu në Britani, Ritvani ka qenë i fokusuar në studimet e tij fillimisht në Eilsder High School, në të cilat mori mësimet e para të gjuhës angleze e më pas në Uxbridge College për rreth një vit, ku ka qenë një prej nxënësve më të dalluar të kolegjit.
Ritvani ka pasur një larmishmëri të madhe mundësish e eksperiencash të cilat edhe pse ishin një sukses për të, kurrë nuk kanë qenë të mjaftueshme. Provoi disa profesione ku arriti disa karriera në fusha të ndryshme, por kurrsesi nuk ishte ajo çfarë donte. Thjesht i shërbyen atij për të parë se në ç ‘fushë ai e gjente veten. Gjithnjë e më shumë ideja e tij për të qenë mbrojtës i së drejtës e për të ngritur zërin aty ky e drejta shkelej, duket se filluan ta drejtonin rrugën e të ardhmes së tij.
Karriera e tij nisi si një procedurë e thjeshtë ligjore, kundrejt një bilete parkimi e dhënë me të padrejte. Ishte pikërisht kjo biletë që Ritvani do ta ankimonte, që e drejtoji dëshirën e tij të së ardhmes: të mbronte të drejtën. Ky ishte hapi i parë që hapi kureshtjen e Ritvanit për të drejtuar veten e tij drejt rrugës së ligjit.
Pas përfundimit të kolegjit, Ritvani diplomohet në vitin 2013 me “Honor Degree on Law”. Gjate viteve te universitetit, ai ka pasur eksperienca të njëpasnjëshme pune por ai vë theksin tek puna me “Youth Support Service”. Për këtë eksperience Ritvani shprehet se ka qenë oguri më i mirë për të ardhmen e tij dhe se eksperienca aty, jo vetëm e formoi me shumë në fushën e tij, por dhe i bëri të mundur që aplikimet e tij tanimë të jenë me prestigjioze se më parë.
Puna në “Youth Support Servicesi dhe “Citizen, Advice Plural” ka qenë eksperienca që ia ka bërë dhe më të qarta drejtimin e tij se në cilën fushë të ligjit do të vazhdonte. Në qershor të 2014, pas një aplikimi për një vend në profesionin e tij fiton vendin e punës si Law Advicer .
Po, kjo ishte ajo çfarë kërkonte. Kontakti i me klientët e shumtë, kryesisht shqiptarë, bëri që ai të përkushtohej në fushën e emigracionit.
Ishte një punë që e plotpërmbushte, një punë e cila çdo ditë ishte e ndryshme, njerëzit, problemet, rrethanat ishte gjithnjë e më interesante. Ritvani shprehet se: “ Çdo çështje është unike dhe personat që marrin vendimin gjithashtu.”
Ishte eksperiencë nga më të bukurat dhe ishte shumë i suksesshëm. Shpërblimi më i madh i punës së tij, ishin fytyrat e lumtura të klientëve, emocionet e tyre të mëdha kur u tregonte se kishin fituar. Duke punuar si avokat në atë firmën ligjore pa që radha e madhe e emigrantëve shqiptarë s vinte dhe shtohej, madje më shumë se asnjë kombësi tjetër dhe të gjithë kërkonin Ritvanin.
“Të punosh për të tjerët ke shumë kufizime dhe nuk mund të ofrosh atë shërbim që dëshiron ta japësh. Shpesh herë fundoset pamëshirshëm thënia se klienti ka gjithmonë të drejtë”- thotë Ritvani.
Ky ka qenë edhe shqetësimi i tij që e shtyu drejt një hapi tjetër, që të kishte diçka të tijën, që të mos jetë më “nën tutelën e bosit”, që përcakton edhe kohën që duhet t’i përkushtohesh klientit.
Mendoi për një kohë të gjatë. Ishte momenti për të vendosur për një tjetër stacion të udhëtimit drejt suksesit të tij. Po. Duhet marrë fund koha kur “bosi” vetëm firmoste dhe e gjithë puna bëhej prej tyre. Ishin ato momente kur guximi mbizotëron mbi mëdyshjen, kur prevalon bindja se suksesi do të ishte në anën e tyre.
Së bashku me kolegun e tij Daniel Gillard themeluan Metro Immigration. Ata kanë klientë të të gjitha kombësive dhe çdo ditë radhët e tyre po shtohen. Nuk është aq keq tek shikon një shqiptar, të ardhur prej disa vitesh këtu, që përfaqëson një anglez të lindur rritur dhe edukuar këtu… që i mbron të drejtat e tij.
Lajme teNjejta
Ritvan Reka tashmë kishte diçka të tijën, që e nxit çdo ditë që të arrijnë sukseset e njëpasnjëshme. Sfidë është përditësimi me ligjet që ndryshojnë shpejt. Janë ato suksese që i ndriçojnë rrugën, që shtojnë bindjen në atë që kishte zgjedhur. Përkushtimi dhe dedikimi për më të mirën e çuan në këtë stacion të udhëtimit të tij, por që ai me krenari përmend edhe vlerat e trashëguara. Me nostalgji e kujton atdheun, që thotë që është gjithçka për të dhe shprehet se nuk mund të ketë vend më të bukur sesa mëmëdheu. Ai shprehet se është shumë krenar me arritjet e shqiptarëve të Britanisë, që ndonëse kanë pak vite këtu, kanë arritur të integrohen me dinjitet në shoqërinë britanike dhe madje të korrin shumë suksese dhe shumë modest thotë, se ka mjaft shqiptarë që janë model, shembull sidomos për brezin e ri.
Gentiana Pallaveshi
