Qeveria shqiptare ka vendosur ta kthejë në vendim krijimin e regjistrit unik për emigrantët. Shteti shqiptar nuk e di me saktësi se sa shtetas ka jashtë vendit, ku pas rënies së regjimit komunist pati një ikje masive.
Ministri i Brendshëm, Tahiri dhe ai i Jashtëm Bushati thanë pas mbledhjes së qeverisë, se regjistri unik do të ketë të dhëna të sakta për shtetasit shqiptarë dhe adresat ku ata jetojnë.
Kjo, sipas ministrave, do t’i jepet fund errësirës së informacioni prej 25 vjetësh dhe u kthehet borxhi emigrantëve.
Ky regjistër, sipas ministrit të Brendshëm, është hapi i parë për të garantuar të drejtën e votës për mijëra emigrantë.
“Regjistri unik për shtetasit shqiptarë që jetojnë jashtë dhe adresat është një borxh që ju kthejmë emigrantëve të cilët kontribuojnë prej shumë vitesh zhvillimin e vendit. krijojmë një mundësi që zhbën errësirën 25-vjeçare dhe mungesën e shërbimeve ndaj shqiptarëve. Mekanizmi për regjistrimin on line të adresave lehtëson marrjen e shërbimeve në vendin ku jetojnë pa u dashur të vijnë në Shqipëri. Hedhim hapin e parë konkret për të garantuar të drejtën e votës, duke i regjistruar dhe ku jetojnë u japim të drejtën të vendin edhe për të ardhmen e vendit përmes të drejtës së votës. Me hyrjen në fuqi të këtij ligji gjëja që duhet të bëjnë shqiptarë është të regjistrohen, të japin të dhënat për informacionet e tyre”, tha Tahiri.
Ministri i Jashtëm, Ditmir Bushati tha se këtë vit do të bëhet i mundur edhe dixhitalizimi i shërbimeve konsullore, në mënyrë që të rritet më tej transparenca ndaj shqiptarëve që jetojnë jashtë vendit.
“Është një nismë mjaft e rëndësishme, jo thjesht për evidentimin e shqiptarëve kudo ku jetojnë, por mbi të gjitha është tregues i qartë i vullnetit politik që ka qeveria jonë për t’i kthyer mbrapsht Shqipëria ndaj shteteve që kanë kontribuar për zhvillimin social dhe ekonomik të vendit gjatë këtyre 25 viteve. Po kaq e rëndësishme do të jetë 2016 për sa i përket shërbimeve konsullore të cilat do të jenë të dixhitalizuara, për të rritur më tej transparencës ndaj bashkëkombësve tanë, për të kufizuar rastet e shpërdorimit të detyrës”, tha Bushati.
