Gjatë konferencës zyrtarët e Vetëvendosjes nënkuptuan se Abazi kishte hyrë ilagalisht në territorin e Kosovës. Por që nga ajo ditë nuk ka asnjë të dhënë nëse Abazi është ende në territorin e Kosovës apo është rikthyer në Shqipëri.
Hyrja ilegale e Abazit është konfirmuar edhe nga Zëdhënësi i Policisë së Kosovës, Daut Hoxha i cili në një deklaratë për Gazetën Express njoftoi se ai nuk figuron në sistem i regjistruar se ka hyrë në RKS në mënyrë legale.
Pyetjes se a ndodhet Abazi ende në Kosovë, Hoxha nuk dha përgjigje duke lenë të nënkuptohej se nuk ka ndonjë informacion për vendndodhjen e Sekretarit për Marrdhënie me Jashtë të Lëvizjes Vetëvendosje, Boiken Abazi.
Zëdhënësi Daut Hoxha konfirmoi se për arsyen që Abazi nuk figuron ne sistem i regjistruar se ka hyrë ne RKS ne menyrë legale, ai në momentin që kapet nga Policia do të sillet para gjykatës kompetente për kalim ilegal të kufirit.
Albin Kurti në lidhje me një arrestim të mundshëm të Abazit gjatë konferencës së 31 Gushtit pati shprehur “As e mirëpresim e as e presim policinë në zyrë për ta marrë Boikenin. Do të ishte veprim i padrejtë policor sepse Boikeni ka të drejtë”.
